ANC vra parlement om Malema-uitsprake te ondersoek

Julius Malema, leier van die Ekonomiese Vryheidsvegters (EFF) Foto: enca.com

Julius Malema, leier van die Ekonomiese Vryheidsvegters (EFF) Foto: enca.com

Die ANC-hoofsweep het Dinsdag gesê die party sal die parlement se etiekkomitee versoek om EFF-leier Julius Malema se uitspraak dat “die regering verwyder sal word” te ondersoek en die nodige stappe te doen.

Die ANC-hoofsweep se kantoor het in ʼn verklaring gesê hy veroordeel die uitsprake wat Malema in ʼn onderhoud met Al Jazeera gemaak het ten sterkste. Malema het glo in die onderhoud geweld aangehits en gedreig dat die demokraties verkose regering “deur die loop van ʼn geweer” omvergewerp sal word indien die ANC aanhou om gewelddadig te reageer op vreedsame betogings.

Volgens die ANC is Malema se uitsprake “onverantwoordelik, gevaarlik en ’n aanduiding van ʼn onvolwasse politikus wat geen begrip het vir die gevolge van openbare gedrag nie”.

“Malema se afgelope uitsprake en talle ander twyfelagtige gedrag, sowel binne as buite die parlement, toon net duidelik hoe hy geen agting vir die Grondwet het of die eed wat hy afgelê het toe hy ʼn lid van die parlement geword het nie,” het die regerende party gesê.

Malema het glo ook in die onderhoud gesê deel van die “rewolusionêre plig” is om te baklei. “Ons is nie skaam om wanneer nodig wapens op te neem en te baklei nie. Ons sal baklei. Hierdie regime moet vreedsaam reageer op ons eise en grondwetlik optree.”

Volgens die ANC is dreigemente om die regering omver te werp ʼn ernstige gevaar vir die Grondwet en die mense van die land. “Suid-Afrikaners kan nie bekostig om Malema se dreigemente ligtelik op te neem nie, gegewe die land se tragiese verlede van politieke geweld en bloedverlies,” het die party gesê.

“Die ANC, saam met die mense van Suid-Afrika, het hard gewerk om ʼn vreedsame en demokratiese politieke oorgang te bewerkstellig en mense wat ondeurdagte uitlatings in die openbaar maak en ons vrede en grondwetlike demokrasie bedreig, moet vermy en geïsoleer word. Suid-Afrikaners moet versigtig wees vir opswepers wat die Grondwet een dag voorstaan, maar die volgende dag ʼn gewelddadige en ongrondwetlike regime-verandering aanhits.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Theresa B

En wat van die feit dat hy ook gesê het dat alle wittes die vyand is…..?? Ek vra maar net.

Siestog

Hoekom is hy nie gearresteer soos die man van Bronkhorstspruit nie? O ja, ai hoe kan ek so dom wees, dit is net die wittes wat rassiste en moordenaars is!

Connie

Wat jy saai sal jy maai. Zuma maai nou.

Johann

So dis verkiesings tyd. En almal wat n skoothond groot te maak het, se en doen goed wat almal se skoothondjies se kuite kielie. Genoeg kuit-kielie-kommentaar om almal se skoothondjies ordentlik te laat tanne optrek en knor.Wat opvallend is , is dat die anders beswaarlik logiese ANC hulle rasegte skoothondjie grootmaak met aanhalings en verwysings na die grondwet en eed en verandwoordelikheid; soos en wanneer ander skoothonjie hanteerders hul eie dierbare diertjies wil kos gee met dreigemente? So bv knor en blaf my Afrikaanse en wit poedeltjie onophoudelik as hy hoor sy SPORT treat word weerhou van hom omdat hy… Lees meer »

christene

Daar sal dadels van kom alhoewel hierdie ‘n ernstige saak is.