André P Brink dood weens bloedklont

André P Brink in Lyon, Frankryk (20007) deur Seamus Kearney via Wikimedia Commons

André P Brink in Lyon, Frankryk (20007) deur Seamus Kearney via Wikimedia Commons

Die letterkundige reus Andre P Brink is dood weens ʼn bloedklont in sy been, het die SAUK Saterdag berig.

Die SAUK het Brink se gesin as bron aangehaal.

Die skrywer Ampie Coetzee het gesê hy is baie geskok oor die nuus. “Hy was ʼn baie belangrike skrywer in die Afrikaanse en Suid-Afrikaans letterkundige wêreld,” het Coetzee oor sy vriend gesê.

Nabye vriend, die outeur Abraham de Vries, het Brink beskryf as een van Suid-Afrika se grootste novelleskrywers. “André was meer bekend oorsee as in Suid-Afrika, is baie meer gerespekteer en het ʼn oorsee ʼn baie hoër stand gehad as in sy eie land,” het De Vries gesê.

Maroela Media het vroeër berig Brink is Vrydagaand in die ouderdom van 79 oorlede. Hy was aan boord ʼn vlug tussen Nederland en Kaapstad. Hy het teruggekeer nadat hy Maandag ʼn eredoktorsgraad in België ontvang het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Dalene

Pulmonale embolus? RIP Andre P Brink

Alida

Het hom nie self geken nie, maar ek hoor hy was maar n groot libtard en baie polities korrek altyd gewees, met n poolse vrou. Hy moes meer kaalvoet geloop het.

Fanie

Ek verstaan bloedklonte kan nogal ‘n issue wees op lang vlugte, seker maar igv ons ouer mense. Dan sê hulle rekkouse help daarteen. Dis nou daai goed wat dokters tydens operasies gebruik en vir die pasient aan trek.

As dit so is, waarom maak die rederye die mense nie attent daarop nie?

Elizabeth

Ek is en sal altyd ‘n groot ondersteuner van hom wees, hy het die wonderlikste boeke geskryf – ‘n Oomblik in die wind staan uit. ‘n Letterkundige reus wie se werke in hope tale vertaal is. Sal hom mis, rus in vrede ou grote! : (

Sollie

Ek haal aan uit die berig:” Nabye vriend, die outeur Abraham de Vries, het Brink beskryf as een van Suid-Afrika se grootste novelleskrywers. “André was meer bekend oorsee as in Suid-Afrika, is baie meer gerespekteer en het ʼn oorsee ʼn baie hoër stand gehad as in sy eie land,” het De Vries gesê.” Dis mos waar wat die spreekwoord sê, ‘n profeet word nie in sy eie land geëer nie. Hy laat ‘n groot leemte agter in die literêre wêreld en hy sal beslis gemis word. ‘n Slim man en sy reisbeskrywings was van die beste wat ek ooit gelees… Lees meer »