Angus-biddag: Reëlings vorder fluks

Angus Buchan. Foto: Facebook

Nagenoeg 34 busse sal oor die volgende paar dae van verskeie punte in die land vertrek na die It’s Time-byeenkoms wat deur die evangelis Angus Buchan sowat 4 km buite Bloemfontein aangebied word.

Buiten vir private busse wat gereël word sal daar 24 Intercape-busse van Kaapstad vertrek, tien busse van Bloemfontein, ses Eljosa-busse uit Kaapstad, nog ses Tempo-busse uit Kaapstad, drie Intercape-busse van Johannesburg, drie busse van Windhoek in Namibië en ʼn Intercape-bus van Upington af.

Volgens Buchan blyk dit dat daar meer as ʼn miljoen mense gaan opdaag vir die geleentheid. Buchan het gesê die land se grootste probleem is vrees. “Mense word lamgelê deur vrees, stres en angstigheid. Ek glo dat mense 22 April fisiek, emosioneel en verstandelik genees sal word. Kerke moet ook hul verskille opsyskuif. So ʼn groot groep mense het die potensiaal om ons land te verander”.

ʼn Groep van 20 fietsryers het intussen Sondag van Kaappunt vertrek op ʼn fietstoer om ʼn gebedslyn te trek van die Kaap tot in Bloemfontein. Die fietsryers gaan nagenoeg 1 100 km binne die bestek van vyf dae aflê.

Die groep sluit Balie Swart (oud-Springbokstut), Frans Cronjé (Hansie Cronjé se broer), Michael Louis (sakeman en voormalige politikus) en Graham Power (voorsitter van die Power-groep) in. Daar is selfs ʼn buitelander van Brasilië wat hierheen gevlieg het om deel te wees van die ondersteuningspan.

Die organiseerders van die gebedsbyeenkoms het intussen ʼn paar interessanthede bekend gemaak:

  • Dit is die grootste gebedsgeleentheid nóg in Suid-Afrika
  • Dis gratis
  • Geen kollekte sal geneem word nie
  • 5 000 vrywilligers gaan help
  • Daar is 27 klank- en beeldstasies
  • Die byeenkoms geskied oor 17 plase
  • Alle mediese dienste vir die dag is geskenk
  • 1 000 toilette met diensspanne is geskenk
  • Drie vragmotors vol toiletpapier is geskenk
  • 25 trekkers word gebruik om 1 300 ha. grond skoon te maak vir die geleentheid
  • 8 000 ℓ diesel vir die trekkers is geborg
  • Plaaspaaie is verbreed en nuwe paaie is gebou
  • Parkeerpermitte kan verniet aangeskaf word by itickets.co.za

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

92 Kommentare

jongste oudste gewildste
Sons

Tobie Jooste lees dit asb,die diens is gratis

Elsa

ons bly waaksaam en bid beskermende Engele op elke pad wat God self ontplooi, h
dankie Vader dat U Hand inbeweging is oor Suid Afrika, wat genoem sal word PARADYS…nou is die tyd en uur …eendragtig bymekaar se die WOORD

Ange

Ek kan nie daar wees nie maar ek gaan ook bid.

MADISON

Dis absoluut fantasies – dit sal ons Liewe Vader so trots maak – dankie aan almal want dit moontlik gemaak het om oor ‘n miljoen mense te kry om ons God te dien. Amen

Anita

Prys die Heer Hy is Groot