Angus sê WhatsApp-boodskap kom nie van hom

Angus Buchan

Angus Buchan (Argieffoto)

Die evangelis Angus Buchan het mense gewaarsku dat ʼn WhatsApp-boodskap wat tans die ronde doen op sosiale media dat daar môre om 13:00 vir reën in die “Kaapprovinsie” gebid moet word, nié van hom afkomstig is nie.

Dié boodskap vra dat mense enige plek waar hulle 13:00 is, moet stop en bid. Dit vra selfs dat besighede gesluit moet word om 13:00.

“Ek wil graag vyf miljoen mense kry om aan die geleentheid deel te neem. Kom ons bring die nasie 13:00 tot ʼn stilstand en bid vir reën. Ek weet God sal die sluise oopmaak en ons damme volmaak, seëninge sal op ons neerdaal as ons saam bid,” lui die boodskap.

Die boodskap lui verder dat “hy” radiostasies uitdaag om regstreeks te bid en die bidbyeenkoms uit te saai. “Asseblief, deel met soveel mense moontlik. Deel deel, deel.”

Buchan het egter Dinsdagmiddag op sy amptelike Facebook-blad gesê dat die boodskap nie deur hom geskryf en versprei is nie.

“Die boodskap is nie deur Angus geskryf nie en hy het geen deel aan die organisering van dié bidbyeenkoms nie. Ons by Shalom [ministerie] glo altyd in gebede, veral vir reën in die Kaap. Buchan doen ʼn beroep op almal om op 24 Maart saam te kom bid in Kaapstad by [die] It’s Time-[byeenkoms],” het die inskrywing gelui.

Die inskrywing vra ook dat mense voortaan eers by die Shalom-span moet navraag doen voor enige WhatsApp-boodskappe wat skynbaar van Buchan af kom, versprei word.

Sosialemediagebruikers het uiteenlopende reaksies gehad op die plasing met een gebruiker wat geskryf het, “Geen man sal vir my vertel om nie vir reën te bid nie”. Ander meen weer daar is geen skade daarin om deurentyd te bid nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
jaco

bid gaan in elk geval nie help nie, want n ANC raadslid het so n jaar gelede gesê dat die droogte die Here se straf is op die Wes-Kaapse kiesers wat meerderheid DA stem. Dis seker hoekom die Nelson Mandelabaai metropool wat onder DA beheer is, ook droogte het en waterbeperkings ingestel het.
Blykbaar is die Here darem ten gunste van n party wat in in alliansie is met die atheiste van die SAKP en is die Here ook ten gunste van korrupsie, staatskaping, regstellende aksie wat wit mense verarm en n hele rits ander goed.

Estelle

Ai, los tog die veroordelings en debatte. Gebed is kragtig maar hoef nie op iemand se bevel of versoek te wees nie. As jy gelowig is, bid, bid baie en enige tyd. God is groot en kan natuurlik enige mense begenadig. Ek persoonlik bid vir droogte geknelde gebiede.

Jacques venter

Bid is bid. Wie dit ookal reël.

Jacques van Zyl

Hierdie droogte gaan nie daaroor as die Here die land, of andersins “die Weskaap straf” as sulks nie. Dit is wel ‘n beproewing maar gesien in die lig van Genesis 18 waar die Here belowe om die stad te spaar as daar net 5 gelowiges is, kan ek nie sien hoedat die Here die hele land of selfs net die Weskaap aan sy eie genade sal oorlaat nie. Hier is duisende gelowiges in die land en om te dink dat die Here hulle almal sal laat omkom deur droogte is onbybels. Dis ‘n mielike situasie maar by Hom is alles… Lees meer »

Pieter

Ek hoop en kyk. Baie respek vir Angus, hou dop!