Anika Smit-saak hervat

André Van Wyk in die hof. Foto: Phillip Bruwer

André Van Wyk in die hof. Foto: Phillip Bruwer

Andreas Johannes (André) van Wyk (24), die man wat hom aan die polisie oorgegee het in verband met die moord op Anika Smit (17) ses jaar gelede, verskyn Maandag weer in die Pretoria-Noord-landdroshof.

Anika is op 10 Maart 2010 in Theresapark, in die noorde van Pretoria, vermoor. Die moordenaar het albei haar hande afgesny en dit van die toneel verwyder. Sy is ook seksueel aangerand en het verskeie steekwonde aan haar liggaam gehad. Haar hande is nooit gevind nie.

Van Wyk het hom verlede Saterdag aan die polisie oorgegee. Hy het verlede Maandag vir die eerste keer in die hof verskyn waar hy teregstaan op aanklagte van moord, verkragting en lykskending.

Van Wyk het om regshulp aansoek gedoen waarna die staat versoek het dat die saak uitgestel word vir nadere ondersoek. Die staat het gesê Van Wyk het mense se name genoem van wie verklarings verkry moet word. Hy bly in aanhouding by die Pretoria-Noord-polisiestasie.

Anika en Van Wyk was in dieselfde graad in Hoërskool Gerrit Maritz.

Lees alle vorige berigte oor Anika Smit op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Jakes

Iets klink nie reg met die nuwe verwikkelinge, maar hoop so die volle waarheid kan darem nou in die ope kom. Veral vir die familie se onthalwe.