Anneline Kriel: ‘Dis duidelik regering wil nie boere help’

Foto: Stefan Doveton-Moore/Facebook

Foto: Stefan Doveton-Moore/Facebook

Die Suid-Afrikaanse skoonheid en voormalige Mej. Wêreld, Anneline Kriel Bacon, het haar onlangs tot sosiale media gewend om haar stem dik te maak teen die drastiese toename in plaasmoorde in Suid-Afrika.

Kriel het in ʼn Facebook-inskrywing gesê sy wil plaasmoorde veral onder die aandag van die media en die regering bring, om te verhoed dat “die hele regering in duie stort soos dié van Kenia in 1960 en die huidige regering van Zimbabwe”.

Die inskrywing, waarin sy ook van die hartseer praat “vir die boere wat elke dag en nag in vrees moet lewe”, is sedert middel Februarie meer as 32 000 keer op Facebook gedeel.

Kriel het in ʼn onderhoud met Maroela Media gesê sy het self ervaring van die post-trauma van ʼn plaasaanval en simpatiseer met die magdom boere wat daagliks vrees vir hul lewe, en daarom het sy besluit om in die openbaar oor dié saak te praat.

“Ek is al ʼn geruime tyd bewus van die grusame plaasmoorde, en ʼn vriend van my stiefdogter in Stellenbosch is ook op ʼn jong ouderdom op ʼn plaas vermoor. Dit het verpletterende gevolge vir almal in die familie en vriendekring ingehou. Ek is ook bewus van die moorde wat toeneem en die absoluut desperate behoefte aan ʼn uitkoms,” vertel sy.

Kriel meen dit is onaanvaarbaar dat die regering nie die saak as belangrik genoeg beskou om dringende stappe te doen nie. “Ek het gehoop as ʼn mens ʼn beroep op die president doen om die moorde te verdoem, sal sy hart versag en hy die boere te hulp snel. Maar dit is nou vir my baie duidelik dat die regering en die ANC nie belangstel om die boere te help nie.”

Sy meen dit is ook die verantwoordelikheid van “sakeleiers” in die land om die kwessie die nekslag toe te dien. Kriel sê een van die oplossings is moontlik om studies oor plaasmoorde te doen om te bepaal wat die motief agter dié moorde is, en dit dan dienooreenkomstig aan te pak.

Sy sê dit is ook belangrik dat boere, en mense oor die algemeen in Suid-Afrika, ingelig word oor die belangrikheid daarvan om hul huise en plase te beveilig.

Ten spyte daarvan dat sy haar stem teen plaasmoorde dik maak, sê Kriel sy is nie optimisties oor die bekamping daarvan nie. “Ek vind dit uiters moeilik om optimisties te wees. Daar geen uitweg sonder die regering se hulp nie. ʼn Boere-afvaardiging soos onder leiding van AfriForum sal met die president moet praat en by die regering moet pleit vir hulp. My hart bloei vir elke mens wat vermoor word. Ek kan net nie hoop vir die toekoms sien nie,” voeg sy by.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Dellaq

Goed gese. Bitter min van ons het hoop dat dit gaan verbeter. Nie met die huidige regime nie want hulle keur die slagting goed. Die einste nr1 het dan gesing vir die afmaai van die boere. Ek dink aan al ons weerlose mense daar buite en wonder waar alles gaan eindig….selfs in ons eie midde het die wetteloses die oormag.

Hannah

Ek is die Ma van ‘n seun wat boer…. ek het 2 broers wat boer…. kan ons nie net OPHOU met belasting betaal todat die regering iets doen aan hierdie situasie?

Trotsafrikaner

Dit is ‘n duidelike strategie van die “regime”, ontneem blankes van werksgeleenthede, sorg dat besigheids geleenthede vir blankes onmoontlik is en pas dan n vreesbeleid toe deur te moor en vermink. Blankes sien nie meer n toekoms nie en verlaat die land.

Rynhardt

Anneline Kriel is reg, Anc gaan nie boere help nie.Hoekom dink ons floreer moorde teen wit boere (enigste land ter wereld) vir 23jaar voort? Vryheidsmanifes word nagekom en rewolusie moet voortleef.Daar mag nie eens n debat oor plaasmoorde in parlement wees nie.Maak dit sin?? n Hele uitwissingsveldtog is aan die gang teen ons mense! Nog steeds word mense mak gemaak met demokrasie! Wanneer gaan ons mense wakker word???????

Johannes van Rooyen

Ñ mens moet die kultuur van die regering verstaan hulle gee nie eers vir hulle eie mense om nie hulle is 100% ingestel op selfverreiking dis die hoof rede hkm net ñ paar mense stink ryk geword het en miljoene mense net so arm en armer gelos is dit is die rede BEE en nie soos ANC sê nie ANC sal eers hulle houding verander as teveel mense van honger sterf en dit vir hulle die verkiessing kan kos AFRIKA is mos die voorbeeld hiervan