Apartheidsmonument in Mosambiek ingehuldig

Pres. Jacob Zuma en Filipe Nyusi, president van Mosambiek by die inhuldiging van die Matola-apartheidsmonument in Mosambiek Foto: GCIS

Pres. Jacob Zuma en Filipe Nyusi, president van Mosambiek by die inhuldiging van die Matola-apartheidsmonument in Mosambiek Foto: GCIS

Pres. Jacob Zuma en Filipe Nyusi, president van Mosambiek, het Vrydag ʼn monument in Matola ingehuldig as huldeblyk vir die Suid-Afrikaanse vryheidsvegters wat op 30 Januarie 1981 tydens ʼn kommandoklopjag teen Matola gesterf het.

Die klopjag is op drie huise uitgevoer wat ʼn transitosentrum was vir Umkhonto we Sizwe-lede, die gewapende vleuel van die ANC. Twaalf ANC-lede is op die toneel dood en ʼn dertiende persoon het later gesterf. Twee van die lede is ontvoer en oor die grens na Suid-Afrika teruggebring waar hulle ook later gesterf het.

Jose Ramos, ʼn Portugese elektrisiën, is ook dood. Die kommandolede het hom glo aangesien vir Joe Slovo, stafhoof van MK. Slovo was glo vroeër die dag by die Matola-huise, maar is drie ure voor die klopjag daar weg.

ʼn Multimedia-inligtingsentrum is langs die monument opgerig wat foto’s en dokumentasie bevat oor die stryd teen apartheid en die solidariteit tussen die mense van Suid-Afrika en Mosambiek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

8 Kommentare

jongste oudste gewildste
Johannes

Ai, as RENAMO ook maar net die suide van Mosambiek kon oorheers het

Gerhardt

Bou ‘n monument vir jou eie swakheid, ‘n veldslag verloor, eintlik eer jy dan mos die “vyand”. Mooi man.

CHRISTA

Ek hoop daardie inligtingsentrum bevat ook foto’s van mense wat deur die ANC lewendig verbrand word met brandende motorbande om hulle!!!

Gerhard Bezuidenhout

Ai Zuma hoe pateties tog.

Gideon

En die groot vraag natuurlik, hoeveel kos gaan daardie monument op die tafel sit van die armlastiges??