Aprilgek: het ons jou gevang?

Lesersfoto

Lesersfoto

Maroela Media het vandag op Aprilgekkedag ʼn paar artikels op die webwerf gepubliseer waarmee ons lesers om die bos wou lei.

Meeste lesers het egter vinnig die kloutjie by die oor gekry en uitgeblaker: Aprilgek!

Hier is die wolhaarstories wat vandag op Maroela Media gepubliseer is:
Nuwe taalbeleid: Só raak dit jou
Belasting verhoog vir Nkandla-geld
Nou gaan jy 4 keer ʼn jaar opdok vir jou motorlisensie

Ons lesers het veral ʼn bohaai opgeskop oor die motorlisensie en die berig is sommer vroegoggend al meer as 700 keer op Facebook gedeel.

Lesers was egter onseker of die berig “Zuma sal belasting moet betaal op Nkandla-voordele” ook ʼn Aprilgek was, en ons moes vinnig bevestig dat dié artikel wel die waarheid is en baseer is op ‘n egte verklaring deur AfriSake.

Lees alle vorige berigte wat met Aprilgek verband hou, op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

39 Kommentare

jongste oudste gewildste
ellie

ek dink mense wat die publiek as gekke hou het nie genoeg werk nie. vervang daardie persone!!!! baie swak smaak.

ora

Jul hofnar het vandag lekker in wensdenkland baljaar. Jul het my met die taalbeleidberig gevang want as jy met my moedertaal lol, dink ek met my hart.

Tiger

Ag dit was vet pret vir my om die “berigte” te lees!Goed gedaan en dankie vir die vermaak!Die taalkwessie het my hare ook laat rys moet ek erken!

Johnnie

dankie vir die lekker lag

cs

Julle het my gevang met die kar lisensies! Ag maar wat is April Fool dag sonder ‘n April fool grappie, onthou net Maroela, sodra julle dit die minste verwag kry ons julle terug.