‘As jy nie ANC stem, sal land weggevat word’

Oudpres. Jacob Zuma. Foto: ANA

Oudpres. Jacob Zuma het Vrydagoggend gesê indien Suid-Afrikaners nie vir die ANC stem nie, sal die land van hulle weggeneem word nadat sy party so hard vir vryheid geveg het.

Zuma het honderde ANC-ondersteuners en gemeenskapslede by die Pinetown-busterminaal en -taxistaanplek toegespreek as deel van ʼn kiesersregistrasie-bewusmakingsveldtog vir die ANC vir volgende jaar se verkiesing.

“Ons is hier om almal te herinner dat daar volgende jaar ʼn verkiesing is. ʼn Stem gee aan die ANC die mag om die land te regeer. Om te regeer omdat dit daarvoor geveg het en om dit van skade te beskerm, want die ANC is die een wat vir die land geveg het,” het Zuma gesê.

“Almal moet vir die ANC stem. As jy dit nie doen nie, sal die land deur ander mense weggevat word. ʼn Stem is ons mag.”

Zuma het ondersteuners ook versoek om die ANC se verjaardagvieringe wat in Januarie in Durban gehou word, by te woon voor hy met “Umshini Wami” afgesluit het.

Sihle Zikalala, die ANC se provinsiale voorsitter, en Zandile Gumede, burgemeester van eThekwini, het Zuma vergesel.

Zikalala het aan ondersteuners gesê sowat 80 busse sal verskaf word om mense na Durban te vervoer.

“Diegene wat nog nie geregistreer het om te stem nie, asook diegene wat nog nie gekyk het of hulle op die kiesersrol verskyn nie, moet hul status verifieer en hul adresse nagaan,” het Zikalala gesê.

“Ons as vrywilligers van die ANC moet verseker dat ons werk en streef na eenheid binne die ANC sodat die ANC die verkiesing kan wen.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Hannetjie

Hoe oud is Jacob Zuma nou?Want hy praat asof hy nog enige iets te prate het.Jacob….gaan rus nou..sodat jy krag het sodra jy die baie nodig gaan kry..dis binnekort.Die langarm van die gereg…..

Lollie

Die ANC sal net wen dmv intimidasie maar op ń ordentlike en eerlike manier sal hulle beslis uitval.
Die mense moet net weet, stem jy ANC kan jy dalk sê die land is joune MAAR daar is nie werk nie, nie geld nie en nog minder kos!
Hulle moet maar self opweeg wat vir hulle belangrik is.

Janet

Duh hoe weet hulle vir wie stem ek. Dis presies hoe hulle werk deur vrees by hulle mense in te palm.

Irma

Né, bly maar groot praterig om vir homself steun in ANC te kry en Ramaphosa te ondermyn. Hy verstaan lyk my ook nie engels nie, anders sou hy verstaan het by watter % van die staatskaping hy impliseer word.

Dina

Weggevat word deur wie? Ons moet juis die land probeer red uit die hande van die ANC wat alles in die grond bestuur het! Alles wat goed funksioneer het is onder hulle bewind tot niet gemaak . Nou moet gered word wat te redde is.