Ashwin sal sy ‘pyn by Menseregtekommissie deel’

Ashwin Willemse. Foto: SuperSport

Ashwin Willemse het Dinsdag gesê hy sal wag op die verhoor van die Menseregtekommissie (MRK) om sy “geldige pyn” te deel.

Willemse het in ʼn onderhoud op Talk Radio 702 en Cape Talk kortliks gepraat oor sy besluit om nie aan die bemiddelingsproses by SuperSport deel te neem omtrent konflik tussen hom en sy mede-aanbieders, Nick Mallet en Naas Botha nie.

Willemse het Mallet en Botha van rassisme beskuldig, en nadat SuperSport ʼn ondersoek na die beskuldigings van stapel gestuur het, het Willemse gesê die ondersoek is “nie die gepaste forum om die kwessie te bespreek nie”. Hy het daarna aangedui dat hy die Gelykheidshof oor die saak gaan nader.

“Ons neem deel aan daardie proses [by die MRK]. Ons sal soontoe gaan en aan die spesifieke proses deelneem en hopelik my menswaardigheid herstel,” het hy gesê.

Willemse het gesê hy het “uitgereik” na Mallett sowel as Botha nadat hy besef het watter effek die debakel op sy eie familie het. “Ek het uitgereik vanuit die uitgangspunt van versoening en dit was in daardie selfde gees dat ek in gesprek sal tree met al die betrokke partye, insluitend die werkgewer SuperSport,” het hy gesê.

“Daar is geen deure wat toegemaak is nie. Ons praat hier oor herstel en ʼn omgewing waarin mense se gelykheid [en] menseregte gerespekteer kan word.”

‘n Skermskoot uit die video van die voorval toe Ashwin Willemse tydens ‘n regstreekse uitsending van die Supersport-stel af gestap het.

Maroela Media het vroeër berig Willemse het in Mei tydens ʼn regstreekse uitsending uit die SuperSport-ateljee gestap ná ʼn oënskynlike meningsverskil met Mallett en Botha. Dit is steeds onduidelik wat presies die voorval vooraf gegaan het, maar Willemse het sy ongelukkigheid duidelik gemaak voordat hy van die stel afgestap het.

“Jy weet wat, ek speel al lank hierdie sportsoort, nes almal van ons hier. Ek, as speler, is vir ʼn lang tydperk as kwotaspeler bestempel. Ek het hard gewerk om my eie respek in dié spel te verdien, ek gaan nie verkleineer word deur twee enkelinge wat in apartheid, ʼn gesegregeerde era, gespeel het en my wil kom ondermyn nie. Ek dink ek het nou genoeg gehad, ek kan nie met mense werk wat ander ondermyn nie,” het Willemse tydens dié regstreekse uitsending gesê.

SuperSport het daarna ʼn ondersoek na die voorval van stapel gestuur waarin daar bevind is daar was geen verskuilde of openlike rassisme wat tot die voorval gelei het nie.

Die ondersoek het ook aangedui daar was twee faktore wat ʼn logiese verduideliking vir die voorval bied. Die eerste faktor was ʼn tegniese fout wat tot gevolg gehad het dat al die kommentators nie ʼn spreekbeurt gekry het nie, en die tweede een dat Willemse Botha en Mallett as neerhalend beskou het toe hulle aangedring het hy moet eerste praat ná die advertensiebreuk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Piet

TRUE COLORS!

Cry Baby

Ai tog! Wil hy nie maar sy nukke & grille laat staan en groot word nie?!

Rupert Ashford

Gaan hy nou Supersport probeer melk vir ‘n paar rand of die twee wit ouens as hy gelykheidshof toe gaan?

Joshua

Hai siestog.

Mielie

n Goeie prokureur en beeldpoetser gaan AW nie beter laat lyk nie. Hy klink maar bra desperaat om gehoor te word…..maar of hy ooit weer geglo sal word is onwaarslynlik. Hoop hy verdwyn nou net van die lug af ….