Baba Daniel: Ma, kêrel gevonnis

Die twee beskuldigdes tydens ‘n vorige hofverskyning. Foto: Mia Spies/eNuus

Die 29-jarige vrou en haar voormalige kêrel wat skuldig bevind is op aanklagte wat verband hou met die dood van die driejarige baba Daniel van Johannesburg is Woensdag in die Suid-Gautengse hooggeregshof gevonnis.

eNuus berig baba Daniel se ma is tot effektief 20 jaar tronkstraf gevonnis weens kinderverwaarlosing. Die vrou se voormalige kêrel is lewenslange tronkstraf opgelê op aanklagte van moord en kindermishandeling.

Volgens eNuus het die staat vandag in die hof aangevoer Daniel het ʼn verskriklike dood gesterf.

Maroela Media het vroeër berig die vrou, wie se naam nie genoem mag word nie om die identiteit van haar ander drie kinders te beskerm, is in Desember skuldig bevind op twee aanklagte van kinderverwaarlosing. Haar eks (36) is skuldig bevind aan kindermishandeling en die moord op Daniel in Junie 2016.

Die man het vroeër gesê Daniel het in ʼn bad warm water geval en “hoewel dit aanvanklik gelyk het asof hy oukei was”, het hy die volgende dag gesterf. Daniel is nooit hospitaal toe geneem om vir die brandwonde behandel te word nie, maar is verskeie kere vantevore in die hospitaal opgeneem.

Daniel is dood by sy huis aangetref nadat hy erg aangerand en met kookwater gebrand is. Hy het gebreekte bene, erge kneusplekke aan sy arms en gesig, kopbeserings en 60% brandwonde oor sy liggaam gehad. ʼn Forensiese patoloog het tydens die verhoor getuig die seuntjie het dié beserings opgedoen terwyl hy geleef het.

Regter Collin Matshitse het vroeër vandeesweek die weergawe verwerp dat Daniel dood is nadat hy in ʼn bad geval en sy kop gestamp het, het eNuus berig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
Jean

Rus in vrede klein seuntjie,vandag het geregtigheid geskied vir jou.

Trol

Goed so.

Wat nou?

Hoekom mag ons nie sien hoe lyk hulle nie? Die kind is oorlede en hulle is skuldig. Hoekom word hulle identiteit beskerm? Ek is 40 en kinderloos en daar is mense wat sulke goed doen?

Sonskyn

My hart is stukkend vir die arme seuntjie (naamgenoot met my eie seuntjie)… die hel waardeur die klein lyfie is voor sy dood en dit deur die hande van die mense wat hom moes koester en beskerm het. Ek is net bly geregtigheid het geskied, al bring dit nie die engel kindjie terug nie.

deirdrezeelie

nooit gedink ek sal my verlustig in n ander se leed nie, maar yippeeee