Baba kritiek ná fratsongeluk

motorsleutels

Argieffoto.

ʼn 16 maande oue babaseuntjie is Sondag kritiek beseer nadat ʼn motor oor hom gery het by ʼn huis in Deneysville in die Vrystaat.

Chris Botha, woordvoerder van Netcare911, het gesê volgens berigte het die bestuurder van die motor agteruit gery en nie geweet die kind is agter die voertuig nie. Paramedici is omstreeks 17:40 na die toneel ontbied.

“Die baba was in ʼn kritieke toestand met paramedici se aankoms op die toneel. Paramedici het die seuntjie op die toneel behandel voordat hy per helikopter na ʼn hospitaal in Gauteng vervoer is vir die sorg wat hy benodig.”

Volgens Botha is die presiese omstandighede rondom die voorval nie duidelik nie en word die saak deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Wat-ek-lees

Wat ek lees is hartseer. Dit gebeur só maklik. Die een dink die baba is by die ander maar egter by niemand om op te pas. Ek het altyd die kleintjie opgelaai en dan weer by die hek afgelaai.
Sterkte aan die betrokkenes en mag die verwyte nie die situasie oorheers.
MAG ONS ANDER HIERUIT LEER OM OOK VERSIGTIGER TE WEES WAAR KLEINTJIES IN DIE OMGEWING IS.

Ann

Goeie aarde julle, hoe kan julle so wees? Het dit al OOIT met een van julle gebeur? Kan julle julself indink hoe daardie persoon moet voel?
Weet julle hoe vinnig is ‘n kind, dis letterlik binne sekondes dat iets gebeur. Julle gaan so aan asof die kind moedswillig raakgery is!
Ag nee julle, groot asb moenie klippe gooi nie. As julle nog nooit in so ‘n situasie was nie, hou dan eerder julle opinies vir julleself.
En ek kan saampraat, ja, want ek was al in so ‘n situasie.
Ek hoop die kindjie sal OK wees!!

Joan

Moenie so maklik oordeel nie. Ek is ook hiper versigtig met so iets, maar ‘n ongeluk gebeur maklik.

Charlotte

Jy wat oordeel…passop jys reeds geoordeel deur die Vader. Kom ons doen wat God nou van ons verwag….Bid eerder vir n volkome herstel in daardie seuntjie se liggaampie en daardie betrokke persoon en los die veroordeling vir HOM wat op die troon sit. Mag God saam met daardie seuntjie wees …..

Arizona

Magtig mense dit was n ongeluk. Weet julle hoe vinnig beweeg hierdie klein mensies. Dink julle nie die persoon wat die kindtjie raak gery het voel al klaar soos n hond en nou moet hy nog gesteenig ook word. Ek self het n 28 maande oue seuntjie permanent in my sorg en glo my hy is baie rats. Kom ons bid liewer dat die seuntjie volkome sal herstel van hierdie tragiese ongeluk