Baba L gestremd weens mishandeling

Baba L se ma verlaat die hof tydens 'n vorige verskyning. Foto: @MiaWil1, Twitter

Baba L se ma verlaat die hof tydens ‘n vorige verskyning. Foto: @MiaWil1, Twitter

ʼn Tweejarige dogtertjie wat slegs as Baba L bekend staan, is baie erg gestremd weens ʼn erge kopbesering wat sy opgedoen het toe haar ma se kêrel haar glo aangerand het, het die Pretoriase hooggeregshof Dinsdag gehoor.

Baba L kan nie loop, omrol, eet of verstaanbaar kommunikeer nie, het dr. Paul Stevens, ʼn dokter by die Steve Biko-hospitaal in Pretoria, getuig.

Hy het op 30 Desember 2013 ʼn noodoperasie op haar uitgevoer. Sy is ná ʼn paar weke uit die hospitaal ontslaan en na ʼn plek van veiligheid in Pretoria oorgeplaas.

“Sy het ʼn baie erge kopbesering opgedoen, en gevolglik is sy in ʼn rolstoel vasgekluister en sy kan nie self eet nie,” het Stevens gesê. “Haar lewensverwagting hang af van die standaard van behandeling wat sy op ʼn daaglikse basis ontvang.”

Hy het gesê sy kan nie by ʼn normale huis bly nie. Sy benodig heeltydse sorg om seker te maak dat sy nie bedsere kry nie. “Sy kan nie self van posisie verander nie en sy het ook hulp nodig met ʼn voedingsbuis. Sy kan niks self doen nie.”

Volgens Stevens klop die verduideliking wat die ma en die kêrel aangebied het, dat sy van ʼn wasmasjien afgeval het, nie met Baba L se beserings nie.

Die kleuter se 20-jarige ma en haar 36-jarige mansvriend het onskuldig gepleit op aanklagte van poging tot moord, kindermishandeling en versuim om behoorlike mediese aandag te skenk. Hulle het ook met haar uit die Steve Biko-hospitaal verdwyn sonder dat die kleuter mediese behandeling kon ontvang, drie dae voordat sy in ʼn koma opgeneem is. Hulle ontken dat hulle Baba L ooit aangerand of verwaarloos het en voer aan sy het by ʼn stel trappe afgeval en van ʼn wasmasjien afgeval.

Stevens het verder getuig dat Baba L in ʼn kritieke toestand was en ʼn noodoperasie benodig het toe sy opgeneem is. Sy het inwendige beserings opgedoen, lae bloeddruk gehad, ʼn swak pols en lae suurstofvlakke in haar bloed. Sy moes deur ʼn asemhalingsmasjien asem haal en daar was ʼn pienk skuimerige vloeistof wat uit haar longe gekom het, ʼn aanduiding van vloeistof in haar longe. Dit gebeur gewoonlik óf wanneer iemand amper verdrink het óf tydens ʼn erge kopbesering.

Sy het slegs met tye haar oë oopgemaak en sy het kneusplekke regoor haar lyfie gehad wat in verskeie stadiums van gesondword was.

Stevens het ook bloed in haar maag, ʼn erge kneusplek op haar nier, ʼn skeur in die aar tussen haar kolon en maag opgespoor en sy het ook ʼn gebreekte heup en erge gekneusde pankreas gehad. “Die algemeenste oorsaak vir só besering aan die pankreas is ʼn direkte hou teen die pankreas. Dit neem baie krag om die pankreas te beseer, aangesien die orgaan baie goed beskerm word en agter ander organe versteek is.”

Hy het ook gesê dit het baie krag vereis om ʼn fraktuur aan die pelvisbeen aan te rig, wat ook nie ʼn nuwe besering was nie.

Hy het weer in Januarie ʼn operasie op haar uitgevoer toe ʼn buis in haar keel geplaas is sodat sy kan asem haal en ʼn voedingsbuis in haar maag geplaas.

Die saak duur voort.

Lees alle sake wat met Baba L verband hou, op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
anne

Nee,nee,nee!! Hoe doen mens so iets aan ‘n hulpelose kind??? Die vrou is die naam ma nie werd nie, en hy is is verskoning vir ‘n mens. Dis so wreed, het nie woorde.

V

Wil net vir jou se liewe 20jarige wat nog self eintlik n kind is,jy verdien dit GLAD nie om n kind te he nie,ek sal jou sommer n klap gee.Daar is soveel vrouens wat bitter baie graag n kleinding wil he.

Nina

Ek is skoon naar! Gemors van die aarde! Jy is geen ma nie. Mag jy alle hel in die tronk kry. Ek sal met plesier die lewe uit jou en jou kerel wurg.

SNEL

Arme kindjie, nie eers gevra om daar te wees nie, sy was volmaak en gesond en hierdie 2 het haar vernietig. Wens iemand wil dieselfde aan hulle doen.

Angelique Jacovides

NEE, NEE, NEE!! Hoe kan enige iemand dit aan n kind doen?? Mag julle 2 skuim gemors mense kry wat na julle toe kom! Eks sommer lus en rand julle aan!! Jy wat jou self n ma noen is nie n ma se g*t nie en verdien nie om n ma genoem te word nie!!! Hoop julle kry alle hel in die tronk julle verdien dit!!!