Baba langs Vrystaatse grondpad gevind

Argieffoto

Argieffoto

Die polisie is op soek na die ouers van ʼn paar dae ou baba wat Saterdag in lang gras langs ʼn grondpad in ʼn landelike gebied naby Bethlehem gevind is.

Brig. Billy Jones, woordvoerder van die polisie, het gesê ʼn sersant verbonde aan die Bethlehem-polisiestasie het plase in die omgewing besoek en was omstreeks 14:00 op pad terug toe ʼn voetganger haar langs die pad gestop het.

“Die voetganger het gesê hy het langs die pad gestap toe hy ʼn baba hoor huil het. Hy het in die lang gras gesoek en op ʼn baba afgekom wat in komberse toegedraai was. Sy het ʼn doek, ʼn wit truitjie en ʼn gebreide mussie aangehad,” het Jones gesê.

Die sersant het die baba na die Phekolong-hospitaal geneem waar dokters gesê het sy is na raming vier of vyf dae oud. Die baba was in ʼn stabiele toestand, maar baie honger, het Jones gesê.

“Dit is nie in dié stadium duidelik wie die baba daar gelos het of hoe lank sy daar gelê het nie. Die polisie is op soek na haar ouers en vra mense met meer inligting om met hulle in verbinding te tree.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Chantell

Dis wreed om n baba net Lang’s die pad te gaan damp.as Jy wil kinders maak maak hul Dan Groot hul het nie gevra om daar te wees.as Jy hul nie soekvra Dan vir aanneem ouers daar is baie wat Baba’s soek.hoop hul kry jou wie die MA van die baba is en stuur jou tronk toe Jy is nie n MA se gat werd Jy moet gestraf word en gaan brand in die Hel jou wrede ding.

R. Eaton

Wreed????? So n ouer moet onmiddelik die doodstraf kry!

Jef

Daar moet n DNA databank kom van almal in SA ,as daar dan so iets gebeur dan kan hulle mos die ouers vinniger opspoor.
Nie net die ma nie maar ook die pa moet boet vir hulle sieklike daad, seker nie geld gehad om n kondoom te koop nie, ek walg van sulke mense.

Eliza-beth

Absoluut walglik as ek dink hoe baie mense smag na ‘n kleinding. Laer as amebe

Penellope Jones

So iets gaan my verstand te bowe. Ek verstaan dit doodeenvoudig nie. Gaan laai dan asb die baba by ‘n hospitaal, n polisiestasie, ‘ n dokter af, by iemand wat onmiddellik kan optree! Mens kan mos nie ‘n babatjie net langs die pad laat nie??? Hoe kry mens dit reg?