Baba oorleef na sy in vlak graf begrawe is; ma vas

Argieffoto

’n Pasgebore baba het oorleef nadat sy vir langer as 24 uur in ’n tas in ’n vlak graf begrawe was in Tsomo in die Oos-Kaap.

Die babadogtertjie is Maandagoggend by ’n huis in die Xolobe-nedersetting gebore waarna die ma haar begrawe het.

Volgens kol. Priscilla Naidu, polisiewoordvoerder, is die polisie Dinsdagmiddag na die nedersetting ontbied nadat ’n plaaslike hoofman sy kommer uitgespreek het oor ’n vrou wat nie meer swanger is nie, maar nie ’n baba by haar gehad het nie.

Polisiebeamptes het ’n vlak graf langs ‘n grafsteen in die erf gevind en nadat dit oopgegrawe is, het beamptes op die baba in komberse binne die tas afgekom. Dispatch Live berig die grafsteen is die van die baba se grootouers.

Die baba het steeds geleef en is vir behandeling na ’n hospitaal geneem. Die ma is in hegtenis geneem en is onder polisiebewaking vir mediese behandeling na ’n hospitaal geneem.

’n Saak van poging tot moord word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Nie Verbaas

Ek het nie woorde nie. Die daad spreek vanself.

Duwweltjie

Ek is sonder woorde.

Shakespeare

Skokkend !!!

Sarel

Die term ” ma ” moet uit sulke berigte verwyder word..
Waar is die ” manlike spesie” wst hier betrokje was.

Yvonne

Wow…dankie genadige Here….U het die laaste se oor lewe en dood….gebruik so ook hierdie dogtertjie tot eer en verheerliking van U Naam