Die Vereeniging-landdroshof gaan na verwagting Maandag die psigiatriese verslag ontvang van die 19-jarige ma wie se babaseuntjie vroeër vanjaar op die N1 naby die Grasmere-afrit gestap het.
Die vrou is op 5 April in hegtenis geneem, twee dae nadat haar 16 maande oue babaseuntjie ʼn noue ontkoming met ʼn vragmotor op die snelweg gehad het.
Die ma is in Julie skuldig bevind aan poging tot moord en kinderverwaarlosing. Sy het skuldig gepleit op albei aanklagte en is op borgtog van R500 vrygelaat.
Sy is in September vir sielkundige waarneming gestuur voordat haar vonnisoplegging kan begin. Sy is in Sterkfontein opgeneem, is ʼn psigiatriese hospitaal buite Krugersdorp in Gauteng.