ʼn 19-jarige vrou wie se babaseuntjie op die N1 naby die Grasmere-afrit gestap het, is vir sielkundige waarneming gestuur.
“Die landdroshof in Vereeniging het Dinsdag die vrou na Sterkfontein verwys sodat haar geestelike toestand ondersoek kan word,” het Busaphi Nxumalo, woordvoerder van die Gautengse verkeerspolisie, gesê. Sterkfontein is ʼn psigiatriese hospitaal buite Krugersdorp in Gauteng.
Die vrou is op 5 April in hegtenis geneem, twee dae nadat haar 16 maande oue babaseuntjie ʼn noue ontkoming met ʼn vragmotor op die snelweg gehad het.
Die vrou is vroeër skuldig bevind aan poging tot moord en kinderverwaarlosing.
Haar saak is tot 2 Desember uitgestel.
Lees ook:
Ma skuldig bevind ná baba op snelweg stap
Baba loop op N1: Ma aangekla van poging tot moord
Ma verskyn in hof oor baba op snelweg
Ma vas oor baba op snelweg
Baba loop op N1-snelweg