‘n Ses maande oue baba is Sondag dood en drie mense beseer in ʼn ongeluk op die N2, ongeveer 30 km buite Kokstad in KwaZulu-Natal.
“Twee motors het mekaar omstreeks 18:30 getref,” het Robert Mckenzie, woordvoerder van die provinsiale nooddienste, gesê. “Een van die persone het kritieke beserings opgedoen.”
Mckenzie het gesê een van die pasiënte moes met meganiese toerusting uit die wrak van die motor gesny word.
Die pasiënte is na ʼn plaaslike hospitaal geneem vir verdere behandeling. Die polisie ondersoek die oorsaak van die ongeluk.