Baba verdwyn uit Alberton

Eden Laird (Foto: Pink Ladies)

Die 13 maande oue Eden Laird het Woensdagoggend uit Brackendowns in Alberton verdwyn.

Pink Ladies, ʼn organisasie wat hom daarop toespits om vermiste persone op te spoor, het aangedui dat die huishulp die oggend omstreeks 08:45 saam met Eden gaan stap het, maar nie teruggekeer het nie.

Eden het ʼn grys sweetpakbroek met pampoene daarop en ʼn oortrektrui met die woorde “Granny Sunshine” daarop, aangehad. Hy het ook ʼn grys-en-donkerblou trui aan.

Kol. Lungelo Dlamini het aan Maroela Media bevestig ‘n saak van ontvoering word ondersoek. Hy wou nie enige kommentaar lewer oor ‘n moontlike losprys wat geëis is nie. “Ons volg alle leidrade op om die oortreders aan te keer,” het hy gesê.

Meer inligting sal volg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
Merri

Ek kan my nie indink waardeur hierdie baba se familie gaan nie. Ek bid vir Eden, dat hy veilig aan sy ouers sal terugbesorg word!

C Bez

Hoekom is geen foto van huishulp al geplaas nie? En haar besonderhede id naam iets sodat die gemeenskap kan help soek nie..Ons almal in area kan help.. sekerlik moet die ouers al haar detail he.om haar te kan vind? en opspoor?

Elsje

Here bewaar hierdie baba.

Elvira Bothma

Ons bid dat julle seuntjie veilig gekry sal word. Mense word wakker. Min mense kan deesdae vertrou word. Werk maar self.

Nagmerrie

Hierdie was een van my grootste vrese toe my kinders klein was.
Mag hierdie pragtige baba veilig gevind word.?