ʼn Pasgebore babadogtertjie is Vrydagmiddag verlate gevind in die bosse in Fairland, Gauteng.
Ineke van Huyssteen, woordvoerder van ER24, het gesê paramedici is omstreeks 16:00 na die plaaslike polisiestasie ontbied. “Sy was in ʼn handdoek toegedraa. Sy het geen sigbare beserings opgedoen nie,” het Van Huyssteen gesê. “Die babadogtertjie is na ʼn hospitaal geneem vir mediese behandeling.”
ʼn Lid van die publiek het glo in ʼn bos op die babatjie afgekom en haar na die polisiestasie geneem. Verdere besonderhede oor die voorval is nie bekend nie.
Ag neeee, dis verskriklik! Is die babatjie darem OK??
Kindertjies is weerloos en uitgelewer ….. dankie dat barmhartige mense optree