Babalykie in asdrom gevind

Argieffoto

Die liggaam van ʼn pasgebore baba is Maandagmiddag in ʼn vullishouer in Pretoria gevind.

Nick Dollman, woordvoerder van Netcare 911, het gesê paramedici is na die toneel ontbied nadat iemand op die baba in die vullishouer in Pretoria Tuine afgekom het. Die baba was in verskeie plastieksakke toegedraai.

“Die plasenta was steeds aan die vroulike fetus vasgeheg. Daar was ongelukkig niks wat paramedici vir die baba kon doen nie,” het Dollman gesê. Paramedici vermoed die baba was nog nie ten volle ontwikkel nie.

Die polisie is na die toneel ontbied en sal die saak verder ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Arsène Lupin ·

Baie tragies. (MM ek dink julle verwys na Pretoria Tuine).

Dalene de Vente ·

Dagsê Arsène

Dankie vir jou valkoog. Ons vra om verskoning vir die oorsig, die berig is reeds gewysig.

Groetnis
Dalene nms. Maroela Media

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.