Die man wat Dinsdagmiddag met verskeie skietwonde aan sy kop in sy bakkie langs die N2-snelweg in KwaZulu-Natal aangetref is, is glo deur sy moordenaars geskiet terwyl hy bestuur het.
Kol. Thembeka Mbhele, provinsiale polisiewoordvoerder, het aan Maroela Media bevestig die voorval het omstreeks 10:00 in die noordelike baan van die snelweg naby Scottburgh plaasgevind.
“Die 45-jarige slagoffer is na bewering geskiet terwyl hy bestuur het. Hy het beheer oor sy bakkie verloor en dit omgeslaan,” het Mbhele gesê.
Die oorledene is ʼn taxibaas van Amandawe wat by die Vulamehlo-taxivereniging geaffilieer is.
Volgens Mbhele is die motief vir die moord nog nie bekend nie en sal dit deur die provinsiale taxitaakspan ondersoek word.
Niemand is nog in verband met die voorval in hegtenis geneem nie.
Maroela Media het vroeër Woensdagoggend berig toe paramedici van ER24 by die toneel opgedaag het, het hulle die man aangetref in die bakkie se wrak wat op sy dak aan die kant van die pad gelê het.
“Paramedici het ’n man se liggaam in die bakkie opgemerk. Hy het verskeie skietwonde aan sy kop gehad. Hy is op die toneel dood verklaar,” het Russel Meiring, woordvoerder van ER24, gesê.
Mafialand.
Geen vrees vir die kollegas in blou nie maak mense dood lings en regs.
Mens sal nogals dink dat hy op die toneel dood verklaar is met verskeie kop skote
Motief vir die moord nog nie bekend nie…1+1=?..
Taxi baas in Suid Afrika= dood!
:)))