Baleka Mbete: ‘Misdaad, korrupsie en ongelykheid in SA nie so erg’

Suid-Afrikaanse sosialemediagebruikers het met ongeloof en woede gereageer op ʼn onlangse onderhoud tussen Mehdi Hasan, ʼn joernalis van Al Jazeera, en Baleka Mbete, voormalige speaker van die Nasionale Vergadering. Die onderhoud is uitgesaai op die nuuskanaal se Head to Head-program.

Mbete het tydens die onderhoud onkundig voorgekom, verdedigend en verwyderd van die werklikhede en uitdagings waardeur die land tans in die gesig gestaar word.

Die tema van die onderhoud was dat die regerende party in die 25 jaar sedert die einde van apartheid Nelson Mandela se droom van ʼn reënboognasie verloën het. Tydens die onderhoud het Hasan Mbete uitgevra oor talle kwessies wat in dié tydperk na vore gekom het en wat bygedra het tot die land se ekonomiese verval.

Hasan het dit aan Mbete gestel dat ekonomiese vooruitgang in die laaste tien jaar verbeur is onder die regerende party. “Nee, want elke mislukking is ʼn les en ʼn geleentheid om te verbeter,” het Mbete geantwoord.

“Maar selfs die land se pres. Cyril Ramaphosa het gesê dat dit ʼn verlore dekade was,” het Hasan haar weerlê.

“Ek stem nie saam nie,” was Mbete se antwoord.

Sosialemediagebruikers oor kleur- en taalgrense heen het die onderhoud as vernederend en ʼn verleentheid vir die land gekritiseer. JodiAnne, ʼn Twitter-gebruiker, het gesê Mbete se antwoorde beeld die “straflose, nonchalante houding van die regerende party” uit.

Op die vraag oor “die 21 korrupsie skandale wat oor die afgelope 25 jaar binne die party woed” en net “een partylid wat nog tot rekenskap gebring is”, het Mbete gesê dat sy nie bewus was hoe erg korrupsie Suid-Afrika geaffekteer het nie, en dat sy eers in die laaste paar maande besef het hoe erg dinge werklik is.

Sy is ook gepeper oor haar steun vir Tony Yengeni, die partylid wat tronk toe gestuur is vir korrupsie en ook oor die feit dat hy as die voorsitter van die werkende groep teen korrupsie aangestel is.

Hasan het ook Mbete uitgevra oor haar siening rondom die Wêreldbank se bevindings dat Suid-Afrika die mees ongelyke land ter wêreld is. “Ek moet sê dit is ʼn baie [erge] bevinding, maar ek wonder of dit nie eintlik maar ʼn oordrywing is nie? Ons moet die goeie en die slegte sien. Die Wêreldbank is nie God nie.”

Oor Suid-Afrika se status as die land met die vyfde hoogste moordsyfer ter wêreld, het Mbete gesê: “Jou punt is? Ek wonder wie het dit gesê?” Sy het ook gesê dat mense nie die probleme wat Suid-Afrika tans ervaar, soos misdaad wat buite beheer is, voor die ANC se deur kan lê nie.

“Dit was die kolonialiste wat misdaad hier aangebring het,” het sy volgehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
Pieter

Totale afwesigheid van denke en oordeel.

Word wakker uit jou droom wereld......

Word wakker uit jou droom wereld……

Leser

Save us from youself!!!!!

M

NONE AS BLIND AS THOSE WHO DON’T WANT TO SEE……..

Byron

As daar meer as 52 mense n dag vermoor word en dis gesien as nie erg nie wanneer word dit as erg beskou? Sy moet uit haar kokon klim en om haar kyk.