Balfour-plaasmoord: Verdagtes in hof

Louis, Belinda en hul kinders. Foto: Facebook.

Louis, Belinda en hul kinders. Foto: Facebook.

Een van die verdagtes, ʼn 29-jarige man wat Dinsdag in hegtenis geneem is in verband met die moorde op die Smuts-egpare, het gister in die Balfour-landdroshof verskyn.

Hy het op vier aanklagte van moord, die onwettige besit van ʼn vuurwapen en die besit van ʼn vermoedelik gesteelde voertuig verskyn. Die saak is tot 23 Februarie uitgestel.

Gert Smuts (78), sy vrou, Paulina (71), hul seun Louis (47) en skoondogter Belinda (42) se liggame is Dinsdag gevind nadat hulle reeds Maandag vermoor is. Maroela Media het vroeër berig dat Cherize (18) en Marcel (21) op een dag hul ouers asook hul oupa en ouma verloor het.

Die ander moordverdagte, ʼn 27-jarige man, is steeds onder polisiebewaking in die hospitaal en sal in die hof verskyn sodra hy ontslaan word. Die twee beweerde moordenaars is Mosambiekse burgers.

Die twee verdagtes wat in hegtenis geneem is in verband met goedere wat tydens die moord gesteel is, is Nigeriese burgers. Die twee, onderskeidelik 20 en 30 jaar oud, het reeds Woensdag in die Balfour-landdroshof verskyn. Hul saak is tot 22 Februarie uitgestel en hulle bly in aanhouding.

Die moordenaars het ʼn Toyota Prado gesteel en daarmee van die toneel gevlug. “Die verdagtes is by ʼn kuierplek in die dorp aangekeer. Hulle het glo vleis en drank gaan koop,” het Wouter Nel, voorsitter van die Balfour-boerevereniging, vroeër gesê.

Maroela Media het vroeër berig die Toyota Prado is met behulp van ʼn Tracker-opsporingstelsel in Balfour gevind. “Toe polisiebeamptes die motor nader het die verdagtes op hulle losgebrand. Die polisie het teruggeskiet en een verdagte is gewond,” het sers. Gerald Sedibe, woordvoerder van die polisie, vroeër gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
tom

Zuma en kie is verandwoordelik vir al die aanvalle waar buitelanders betrokke is want hulle laat dit toe dat onwettiges maak en breek in die land want daar is geen grens beheer

Kiepie

Was daar enige betogers by die hof? Of mense wat vanuit die publieke gallery op die aangeklaagte gespoeg het?

Vixie

Wat vir my kommerwekkend is, is die arrogansie van die moordenaars. Hulle probeer nie eers so ver van die moordtoneel af vlug as moontlik nie. Gaan net rustig in dorp toe om drank en vleis te koop, seker met die slagoffers se kontant ook nog. Hulle is geensins bekommerd dat hulle gevang kan word nie.

Hugo

Dit is so onnodig en hartseer wat gebeur het, maar alle lof en eer aan die SAPD-en-seuns (en dogters). Well done dames en here. Trek hom deur en kry ‘n skuldigbevinding!!????

Wil net weet

Wil weet waar is die boere…..hoekom het hul nie almal saam gaan staan buite die hof gebou en ook betoog deur te se geen borg en lewenslank tronkstraf ?…….kom aan ek weet ons boere kan dit doen want ons staan tog op en bymekaar al wil niemand dit so sien nie.