Ballito Rage gekanselleer

(Argieffoto: Ballito Rage / Facebook)

Matrikulante wat Dinsdag na KwaZulu-Natal opgeruk het om die Ballito Rage-byeenkoms by te woon, sal nou weer hul tassies moet pak nadat die res van dié matriekfees Woensdag gekanselleer is.

Dít volg nadat 32 feesgangers en vier personeellede positief vir die koronavirus getoets het.

“Ons neem die veiligheid van al ons kliënte, personeel en verskaffers uiters ernstig op. Dit is om dié rede dat daar besluit is om die res van Ballito Rage te kanselleer,” het die organiseerders in ʼn verklaring gesê.

Luidens die verklaring het die fees Dinsdag met “ongekende Covid-19-maatreëls” afgeskop, wat verpligte inentings vir alle personeellede en feesgangers ingesluit het. ʼn Toetsfasiliteit is ook naby die feesterrein opgerig sodat Covid-19-toetse voor en ná die fees gedoen kon word.

Die 122 werkers wat Maandag vir die virus getoets is, het almal negatiewe uitslae getoon.

Uit die 940 mense wat die volgende dag getoets is, onder wie oorblywende personeel en feegangers, het 36 mense egter positief vir Covid-19 getoets.

“Beamptes van die departement van gesondheid was ook by die terrein en het saam met ons span gewerk om kontaknasporing te doen sodat die nodige isolasie van positiewe gevalle volgens regeringsvoorskrifte kan geskied.

“Hoewel ons die teleurstelling verstaan ​​wat dit vir diegene veroorsaak wat daarna uitgesien het om die fees te geniet, is dit ongekende tye. Ons waardeer almal se begrip en ondersteuning. Kaartjiehouers sal in die komende dae verdere inligting per e-pos ontvang.”

Die organiseerders het verder ʼn beroep op alle feeskaartjiehouers gedoen om uiters veilig en verantwoordelik te wees, indien hulle verkies om gedurende die vakansietydperk in die Ballito-omgewing aan te bly.

Dit is nie duidelik of feesgangers hul kaartjiegeld gaan terugkry nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Eiervrug

Wat het hulle gedink gaan gebeur??. Ek kan raai dat niemand nou gaan isoleer nie, hulle het reeds vir hulle “vakansie” betaal, en gaan nou net ander kuierplekke opsoek…

anniekiewiet

Klink snaaks as nie een werker maandag positief getoets het nie, maar dinsdag toets 4 van die oorblywendes positief.

Misky

En almal was ingeent en daar was beloof dis jou “paspoort na vryheid en terug na normale lewe”….. toe nou nie, neh

Baardman

Soos miljoene mense voor covid elke jaar die griep inspuiting gevat het. Niks nuuts. En niemand het bohaai gemaak, alhoewel die griepvirus ook elke jaar ander variante gehad het. M.a.w. meeste mense was ook maar elke jaar proefkonyne, sonder om te kla.

Drikus

Vir wat is hulle so bang, as almal daar dan die JAB gehad het, sal hulle mos nie baie siek word nie.. As die JAB dan niks help nie, hoekom moet almal dag ge-JAB word. Al wat JAB help is om ‘n paar mense BAIE BAIE ryk te maak.