Beampte verongeluk in ampsmotor

Die motor waarin ‘n beampte van die Oos-Kaapse regering verongeluk het. (Foto: Arrive Alive)

Vyf mense, onder wie ʼn regeringsbeampte, is op Kersdag in twee verskillende ongelukke in die Oos-Kaap oorlede, berig Arrive Alive.

In die ergste van die twee ongelukke is vier mense op die R61 in Cofimvaba dood toe ʼn Volkswagen Polo reg van voor teen ʼn bakkie vasgery het.

In ʼn ongeluk vroeër die dag is ʼn regeringsbeampte dood toe die ampsmotor waarin hy op die N2 naby Qunu gereis het, reg van voor teen ʼn sportnutsvoertuig gebots het. Hy was alleen in die ampsmotor. Die twee insittendes van die sportnutsvoertuig is met ernstige beserings na ʼn nabygeleë hospitaal gehaas.

Die polisie ondersoek in albei gevalle ʼn saak van moontlike manslag.

Fikile Mbalula, minister van vervoer, het Woensdag bekend gemaak dat minder mense die afgelope jaar op Suid-Afrikaanse paaie gesterf het, hoewel groter ongelukke meer gereeld voorgekom het.

Die Oos-Kaap het ʼn afname van 30,7% in sterftes aangeteken, met 127 sterftes verlede jaar teenoor 88 wat teen Dinsdag aangemeld is.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.