Beamptes geskors wat man uit rolstoel gooi

Foto: Skermskoot uit video

Twee beamptes van die Kaapse metropolisie is met onmiddellike inwerkingtreding geskors nadat hulle ’n man in ʼn rolstoel omgestamp het.

Die voorval is op video vasgelê en word sedertdien wyd op sosiale media versprei.

“Ek het onmiddellik die saak met Richard Bosman, die stad se uitvoerende direkteur vir veiligheid, bespreek en hy het bevestig die beamptes is geskors hangende ’n volledige ondersoek na die voorval,” het Dan Plato, burgemeester van Kaapstad, gesê.

Plato het onvoorwaardelik om verskoning gevra vir die voorval. “Die manier waarop die situasie hanteer is, is nie wat ons van ons personeel verwag nie.”

In die video kan gesien word hoe een beampte met sy voet op die rolstoel se wiel staan voor sy kollega die rolstoel omkeer en die man op die grond val.

Die een beampte stoot die rolstoel dan ’n ent weg. Die voorval het glo voor die Kaapstad-Sentraal-polisiestasie plaasgevind.

Volgens mediaberigte was die man in die rolstoel glo deel van ’n groep mense wat oor dienslewering betoog het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Persheks Adri

Wie doen dit? Dis blerrie onmenslik man. Hulle dink ook hulle is bo die wet pffft. Ek hoop hulle is geskors SONDER salaris hel man dis vieslik! Nogals voor die polisie stasie dit sê ook baie

Willem

Met volle salaris en bonus seker

Tanniepetoors

Dit is wreed en vernederend om so iets te doen. Die twee het heeltemal buite die gedragskode opgetree en behoort ontslaan te word. Geen verskoning vir sulke laakbare gedrag.

Cecilia

SIES MAN wat se bedreiging kan n man in n rolstoel nou wees?
Ek hoop hulle is sonder salaris geskors.
Hulle moet ook sommer gaan werk (verniet) in n tehuis of rehabilitasie sentrum. Sodat hul kan leer om respek te he vir mense met “less able” liggame.

Erika

Dit is So tipies van Hudige ” Very competent ” Police…..Nobody can trust them