Bedrogsaak teen nuwe ANC-LP

Patrick Mabilo. Foto: sapressonline.com

Patrick Mabilo. Foto: sapressonline.com

Die Valke het Donderdag bevestig dat ʼn saak van bedrog teen die nuut verkose ANC-LP Patrick Mabilo ondersoek word.

“Die saak hou verband met aankope op sy amptelike kredietkaart,” het Paul Ramaloko, die Valke se woordvoerder, gesê. “Die ondersoek is nog aan die gang.”

Ramaloko het gesê die saak is in 2012 aanhangig gemaak. Mabilo is die voormalige LUR van vervoer, veiligheid en samewerking in die Noord-Kaap. Volgens City Press het hy gedurende 2012 en 2013 nagenoeg R200 000 op sy kredietkaart spandeer en kon hy nie die nodige dokumentasie verskaf om sy uitgawes te bewys nie.

Mabilo is eerste op die lys van kandidate vir die Nasionale Vergadering van die ANC in die Noord-Kaap. Hy is Woensdag in die parlement as LP ingesweer. – SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Grassie ·

Ongemagtigde uitgawes van R200 000 is volgens die huidige regering se standaarde maar net ‘n druppel in die emmer. As jy nog drie nulle by hierdie ou se bedrag voeg is jy nog nie eers naby die ongemagtigde uitgawes wat sy baas op Nkandla vermors het nie.

Pieter ·

Hoop net hierdie mense wat nou gehelp word dra in die toekoms by tot Helpende Hand se begroting. Net R 50 per maand. Of wat se ek nou.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.