Bedrywighede by SAL hervat

(Argieffoto)

Die Suid-Afrikaanse Lugdiens (SAL) het Vrydag bevestig al sy vlugte sal oor die naweek volgens ʼn skedule hervat word, nadat die lugdiens vroeër vandag ’n ooreenkoms met stakende vakbonde oor ʼn loonverhoging aangegaan het.

Dít volg nadat werkers van die SAL en sy tegniese afdeling, SAAT, sedert verlede Vrydag gestaak het – optrede wat die staatslugdiens nagenoeg R50 miljoen per dag gekos het.

Luidens ʼn verklaring sal dienste by die lugdiens vanaf Saterdag stelselmatig weer terug na normaal keer. Hoewel daar Saterdag nog sekere gekanselleerde binnelandse en streeksvlugte (vlugte na lande op die Afrika-kontinent) gaan wees, verwag die lugdiens om steeds dienste aan alle passasiers te bied.

Tlali Tlali, woordvoerder van die SAL, verduidelik in die verklaring enige passasiers wat alternatiewe verblyf benodig weens ʼn uitgestelde vlug of ʼn alternatiewe lugdiens moet gebruik, sal dienooreenkomstig gekontak word of op die lughawe van waar hulle vertrek gehelp word.

Volgens Tlali sal alle dienste teen Sondag herstel wees. Dit beteken dat die SAL oudergewoonte dienste in al drie sy netwerke sal bedryf: plaaslik, streeks en internasionaal.

“Ons is verheug om die normale skedules te hervat. Ek wil egter namens die SAL my opregte spyt uitspreek oor die ongerief wat ons lojale kliënte tydens hierdie nywerheidsdispuut ervaar het. Ons sal aanhou om die passasiers wat nog nie kon reis nie, so gou as moontlik te help om hul beoogde bestemming te bereik, ” sê Philip Saunders, die hoof‑ kommersiële beampte van die SAL.

Lees meer hier oor die ooreenkoms wat SAL en die vakbonde bereik het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
piper

wat word nou gedoen aan die vakbonde wat die lugdiens miljoene skade gekos het. loop hulle net weg van die toneel af. die vakbonde moet aanspreeklikheid aanvaar vir verliese

Kobus

Soos gewoonlik word hulle vergoed vir hulle staking. Hervat Vlugte???? Hoeveel passasiers is daar ?

Mikefg

So aangesien ek as belasting betaler vd bedrog spul betaal kry ek seker gratis vlugte vir my en my gesin. Maar dis ok die SAL het nou opdrag gegee dat daar meer geld deur die druk pers gaan sodat meer geld gedruk kan word en hulle meer geld kan kry- patetiese mindset vd mense

Jaco

As jy nog steeds hierdie lug redery vlieg moet dan nie kla. Daar is soveel ander beter, goedloper opsies

Callie van der Merwe

Jaco, met respek maar behalwe vir Airlink is SAL strate beter as die ander. Stem saam hulle is duur en eintlik moes hulle die lugdiens likwideer.