ʼn Geraamte is Woensdag in die Natalspruit in Alberton, Gauteng, gevind.
“Persone wat riete gesny het, het op die skelet afgekom,” het lt.kol. Lungelo Dlamini, woordvoerder van die polisie, aan Maroela Media gesê. “Hulle het dadelik die polisie ontbied.”
Die geraamte is in die Natalspruit, op die hoek van Ring- en Helstonweg gevind.
“Die polisie stel ondersoek in,” het hy bygevoeg.
Fox Security het meegaande foto op sy Facebook-blad geplaas met die byskrif dat die liggaam van ‘n man gevind is toe dit in die water gedryf het.