Beesboer (79) in Oos-Kaap vermoor

(Argieffoto)

’n Bejaarde beesboer van Nqanqarhu (Maclear) in die Oos-Kaap is Sondag in die vroeë oggendure in sy plaashuis doodgeskiet.

Die boer is sedertdien as die 79-jarige John Viedge geïdentifiseer.

Jason Kümm, landelike veiligheidsbestuurder van Agri Oos-Kaap, het aan Maroela Media gesê ’n onbekende aantal verdagtes het omstreeks 04:00 toegang tot die plaashuis verkry. Hulle kon egter weens ’n veiligheidshek nie toegang tot die slaapkamer kry nie.

Viedge is na bewering deur die veiligheidshek doodgeskiet.

Die betrokke polisiewoordvoerder kon nog nie bereik word nie.

Agri Oos-Kaap het intussen die moord in ’n verklaring veroordeel.

“Hierdie ongelukkige en onnodige gebeurtenis het ons landelike gemeenskap se behoefte om vuurwapens te besit vir die doel van selfverdediging net verder beklemtoon,” lui die verklaring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
casper

Word uit gemoor !!!

Persheks Adri

Om te dink hoedeman wil ons ontwapen! Waar is die uniforms om ons te 24/7 te beskerm? Hoed kan nie en wil ook nie hy’t mos hoeveel gewapende wagte gggmmmfff!

Charles

Weereens ʼn bewys dat ons vuurwapens moet hê vir selfverdediging!!

Margaret

Dit is so hartseer. Nóg n moord, nog n boer.

Tipper

verlaat maar die land,niks sal meer help nie,hier sal niks jou meer beskerm nie,al slaap jy ook in n kerk vir die volgende diens.