Beeste geslag ná veediewe op Vrystaatse plaas toeslaan

plaas-polisie-veld

(Argieffoto)

ʼn Vrystaatse boer het met die hulp van die polisie kilometers ver spoor gesny nadat 70 beeste Vrydag op ʼn plaas naby Odendaalsrus gesteel is.

Die beeste was in ʼn kraal op die plaas Ontevrede, toe die boer omstreeks 06:00 gister agtergekom het die diere is gesteel, sê kapt. Stephen Thakeng, polisiewoordvoerder.

Nadat ʼn saak van veediefstal by die polisie aanhangig gemaak is, het die boer en AO Coen de Beer, verbonde aan die Lejweleputswa-eenheid vir veediefstal en bedreigde spesies, die spore sowat agt kilometer ver vanaf die misdaadtoneel gevolg en op die beeste afgekom.

Die boer het die beeste as sy diere geïdentifiseer. Altesame 64 beeste is lewend gevind, terwyl ses diere reeds geslag is.

Daar was niemand by die beeste nie en die polisie het ʼn soektog na die veediewe van stapel gestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

2 Kommentare

jongste oudste gewildste
MrMagic

Sulke vuilgoed. Hoop die diewe word gevang en swaar gestraf.

anniekiewiet

Hierdie diewe wat onwettige mynwerkers van kos voorsien, is net so n siek spul en dis moeilik om nie hatig teenoor hulle te voel nie. Ek wonder of stedelinge regtig weet onder watter druk en spanning, sonder staatsondersteuning, mense vandag boer.