Beeste lewend buite Pta geslag

plaas-polisie-veld

Argieffoto

Die Nasionale Dierebeskermingsvereniging (NDBV) het ʼn ondersoek van stapel gestuur nadat ʼn paar beeste verlede week lewend vir hul vleis geslag en vir die dood agtergelaat is.

Colette Barnard, nasionale inspekteur van die NDBV se plaasdierebeskermingseenheid, het Maandag gesê sy is Woensdag na die “gru-toneel” in die De Wildt-omgewing noord van Pretoria ontbied.

“Die oorskot van minstens vier beeste se karkasse is verspreid op ʼn konstruksieterrein aangetref. Twee beeste het tussen die verwoesting gesit. Hulle kon nie beweeg nie, aangesien die senings aan hul agterpote afgesny was. Met verdere ondersoek is ʼn kalfie, wie se senings ook afgesny is, ook lewend gevind,” het Barnard gesê.

Barnard het gesê terwyl inspekteurs en polisiebeamptes op die toneel besig was om ondersoek in te stel, het een van die beeste se eienaars opgedaag met die bedoeling om die beseerde beeste na ʼn slagpale in Brits te neem. Die NDBV en polisiebeamptes van die Soshanguve-honde-eenheid het egter die drie beeste op die toneel van kant gemaak om hulle van enige verdere lyding te spaar.

“Dit is onbegryplik dat hierdie oortreders sonder enige medelye opgetree het en hierdie diere gemartel het, sonder om ag te slaan op hul lyding. Die toneel was verskriklik en hartverskeurend,” het Barnard gesê.

Die NDBV en polisie ondersoek die voorval. Niemand is nog in verband met die voorval in hegtenis geneem nie. Enigiemand met meer inligting word versoek om die NDBV se plaasdierebeskermingseenheid by 011 907 3590 te skakel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Elsa

Voorkoming ….as Polisie patroleer en gereeld roetes ry sal die sort van misdaad stop…sigbaarheid en as Polisie te min is, doen opleiding en werf mense wat eerlik en betroubare Polisie manne en vroue sa wees

saarkie verkoue

nee Elsa. dienpokisie is nou te besig om vuurwapens waarvan sie lisensies verval het, te konfiskeer en kopers te vind. vervolg die wreedaards tor die letter van die gereg! maar nee, jy leea nou daarvan op mm en dan sal gn haan weer daarna kraai nie. die afgeSLAANDE hakskeen senings is n ou gewiinte onder diwe beeste en sover ek weet het die ndbv nog geen woord gerep oor wat san met hierdie arme diere gebeur nie.

Robert

Hierdie tipe van vleis diefstal is algemeen, dus nie nuus nie. Die kriminele is gepla dis hoekom die beeste nog lewend gevind is. Die konstruksie terrein was heelwaarskynik afgekamp wat die bymekaarmaak van die beeste vergemaklik het. Gewoonlik kry jy net die binnegoed en die res is weg. Vind ook baie plaas met skaap diefstal. Ek verskaf maar net info, ek keur dit glad nie goed nie dis boos.

Shame

Hartseer. Nou lyk die ou wat ‘n jong os platgetrek het na presies wat dit was – simoel, maar nie wreed nie. Hy sal aangekeer word, want hy het ‘n adres. Hierdie wreedaards sal los rondloop en dit weer en weer doen. Dit het al in 1989 die eerste keer op ons plaas gebeur. Die polisie, shame, aa hulle eerste by die toneel kom, verdwyn nog van die vleis, in die vangwa in.

Nel

Die verskriklike wreedheid spreek boekdele… nie mens of dier is meer veilig in hierdie land nie.