Beeste op ongelukstoneel geslag

 Foto: @GTP_Traffstats op Twitter.


Foto: @GTP_Traffstats op Twitter.

ʼn Vragmotor wat beeste vervoer het, het Dinsdagmiddag naby die Grasmere-tolplaza omgeslaan nadat daar glo klippe van ʼn brug af gegooi is.

Volgens die Nasionale Dierebeskermingsvereniging (DBV) het ʼn groep mense op die beeste, wat daarin kon slaag om hulself te bevry, toegesak. Talle van die diere is ernstig beseer in die ongeluk.

“Hulle bedoeling was om vleis van die lewende diere af te kap. Van die diere kon nie ontsnap nie en is deur die groep mense gesteel of opgekap.”

Volgens die DBV was die polisie, brandweer en ander reddingseenhede op die toneel om die skare te beheer en die beeste wat nog in die wrak vasgekeer was, te bevry. Die beeste wat nie gered kon word nie is op die toneel geslag.

Die bestuurder van die vragmotor is volgens berigte ernstig beseer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

14 Kommentare

Pierre Celliers ·

Suid Afrika het ‘n groot probleem, en almal weet wat dit is. maar almal swyg soos die graf, tot die “leier” van die land swyg en laat Gods water oor Gods akker gaan!

annatjie ·

Ai dit klink vir my maar baie barbaars en wreed om diere so lewend op te kap.

Elsje ·

Mnr Zuma, Malema en kie – die mense is honger.
Zuma. Malema en kie; “gee vir die mense koek”

SNEL ·

Elsjé, wat n mooi en skaars naam.

Ja, dit is vreeslik wreed, barbaars, geen gevoel vir niks of niemand en gee ook nie om wie se goed dit is of aan wie die beeste behoort nie. Pleks van help tree hulle so barbaars op. Hulle het weggekom hiermee, geen een is gevang of toegesluit omdat hulle iemand anderste se goed (beeste) gesteel of beskadig het nie, so die nuus is uit…..kom ons doen dit weer, dis n maklike manier om kos in die hande te kry. Kan daar ook nie iets aan brûe gedoen word om hierdie klipgooiery te stop nie? Hoeveel mense is nie al dood as gevolg van dit nie. Kan hoë STEWIGE traliewerk nie opgesit word nie. Is ons die enigste land wat n probleem sien en dit net los? Iets moet hieraan gedoen word, dis iets wat net te veel gebeur. Begin by die brûe waar daar al klippe af gegooi is en maak hulle veilig.

Petrus Swanepoel ·

Dit help nie om die gevolge van die probleem aan te spreek en te probeer oplos, los die oorsaak van die probleem op. Jy kan jouself en ander nie meer beveilig deur mure op te rig, die misdadiger sal nog steeds oortree, vat die misdadiger weg, geen mure, geen misdaad!

Brits ·

Ek het redelike “inside info” op die storie en ken van di betrokke partye . Die twee manne in die trok is amper dood . Net sowel kon hulle oor 3 0f 4 karre gery het terwyl hulle probeer beheer oor die trok kry en skielik het hordes en hordes barbare “van nêrens” gekom en beeste lewendig begin slag. Die DBV was daar maar het maar net voor die voet begin skiet en nie eintlik gehelp nie. Dit was ‘n goed beplande , barbaarse daad om trokke so te kry om te stop of te verongeluk by ‘n nedersetting langs die pad waar duisende gevoellose “mense” bly wat net weer wil hê vir eie gewin soos dit lately in die land gaan ! Ons vrot mos van bo af !

rienie ·

Maroela Media, baie dankie vir geleentheid om kommentaar te lewer. Ek hoop dat iewers sien die nodige mense dit raak. Dit is meer as barbaars wat hier gebeur het, dit gebeur kort, kort op die Palindaba snelweg met motoriste. Waarvoor betaal ons tolgeld, seker nie net vir instandhouding nie? Wat hartseer is, is dat vreemdelinge vlug na ons land omdat daar nie kos en werk in hul land is nie. Hulle bekom die nodige dokumente en verkry burgerskap, wat weereens hul in staat stel om “Grands “te kry vir hul kinders, Selfs pensioen. Ons land word oor bevolk en daar is nie kos en werk vir almal nie, so die enigste uitweg is steel en roof al is dit op sulke barbaarse maniere. En almal kry hul (barbare) jammer nie die persone (trok bestuurders) wat daaronder ly, asook die persoon wie se beeste so wreed doodgemaak is nie. En vir altyd is die skuldiges nog nie opgespoor in die verband nie.

Chris du Plessis ·

Na my beskeie mening le die antwoord in die volgende paar tekse. Lees gerus die hele boek om die volle boodskap te kry.

Joë 1:2 Hoor dit, o oudstes, en luister, alle inwoners van die land! Het so iets ooit in julle dae of in die dae van julle vaders plaasgevind?
Joë 1:3 Vertel daarvan aan julle kinders, en julle kinders aan hulle kinders, en húlle kinders aan die volgende geslag:
Joë 1:4 Wat die afknyper laat oorbly het, het die treksprinkaan verslind; en wat die treksprinkaan laat oorbly het, het die voetganger verslind; en wat die voetganger laat oorbly het, het die kaalvreter verslind.
Joë 1:5 Word wakker, julle dronkaards, en ween! En huil, al julle wyndrinkers! Oor die mos, omdat dit van julle mond weggeruk is.
Joë 1:6 Want ‘n sterk en ontelbare nasie het opgetrek oor my land; sy tande is leeutande, en dit kan byt soos ‘n leeuin.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.