Die beeste is op ‘n sleepwa gekry. Foto: SAPD
Twee vermeende diewe het Donderdag vlugtig in die landdroshof op Makwassie verskyn nadat Wolmaransstad se polisie hulle die afgelope week in hegtenis geneem het.
Polisiebeamptes het Dinsdag omstreeks 09:00 ʼn Nissan Hardbody-bakkie afgetrek wat vier beeste op ʼn sleepwa vervoer het. Hulle het Andries Chaka (39) en Maruping William Mathunzi (34) ondervra oor die moontlike besit van gesteelde vee, sê kapt. Sam Tselanyane, Noordwes-polisiewoordvoerder.
Die twee verdagtes kon nie na wense verduidelik waar hulle aan die beeste gekom het nie. Albei is dus aangekla van die besit van gesteelde vee.
Hulle bly in aanhouding tot hulle na verwagting Vrydag weer in die landdroshof sal voorkom terwyl die polisie hul ondersoek voortsit, sê Tselanyane.
Enigiemand wat die polisie kan help om die regmatige eienaar van die beeste op te spoor, kan sers. Aufane Kgakgane by 082 496 9627 bel.
Wat is die beeste se brandmerk? Sal help as julle dit kan plaas.
Is die beeste nie bestem vir Zuma nie. Dalk nog ‘n geskenk van die melkplaas in Vrede .
Die beeste is veronderstel om gemerk te wees.
Was seker op pad strand toe.
Wat van brand merk op beeste om eienaar te trace. Of is ek verkeeed.
Dit is een van die groot probleme , baie vee word nie gemerk nie.
N verdere kwessie is dat ondervraging nie meer behoorlik geskied nie. Die verdagtes weier seker om te se waar die vee vandaan kom.
Ek hoop dat sodra die twee boewe skuldig bevind word, die voertuig sowel as die sleepwa gekonfiskeer word en aan die polisie oorhandig word om verder hul (goeie) take te verrig!