Die polisie van Mpumalanga het Woensdag ontken dat ʼn tong van ʼn lyk by ʼn privaat lykshuis in Nelspruit gesteel is.
The New Age het berig dat die familie van Smanga Zwelithini Silinda Sondag die lykshuis besoek het en ontdek het sy tong word vermis. Volgens die berig moes Silinda se begrafnis uitgestel word hangende die uitkoms van ʼn ondersoek oor die voorval.
“Toe ons by die lykshuis aankom, het die werkers ons aangesê om vir ʼn ruk lank buite te wag voordat hulle ons ingelaat het,” het Silinda se ma, Thandi Maseko, aan die koerant gesê. “My seun se mond was oop toe ons hom gesien het. Ons het in sy mond gekyk en ontdek dat sy tong vermis word.”
Kol. Leonard Hlathi, woordvoerder van die polisie, het gesê ʼn nadoodse ondersoek is Dinsdag uitgevoer en die tong was toe aanwesig. “Die tong word nie vermis nie. Al die liggaamsdele is daar,” het hy gesê. – Sapa
Kyk in sy maag … met die nadoodse ondersoek het hulle dit seker per ongeluk in die maag toegewerk.
Stem saam met Eben. En nou kan hulle nie vir die familie sê dat sy tong elders is nie.
Dalk al vir “Muti” verkoop.
Sien n bekende kettingwinkel-groep bied geweldig afslag op hul gepekelde beestong. Loop ons dieselfde paadjie as die donkie biltong verneukery?