Begrotingsrede 2017: Só word jou sak geraak

Pravin Gordhan tydens sy 2017-begrotingsrede. Foto: Kopano Tlape/GCIS

Pravin Gordhan tydens sy 2017-begrotingsrede. Foto: Kopano Tlape/GCIS

Pravin Gordhan, minister van finansies, het Woensdag sy begrotingsrede gelewer.

Gordhan het gesê die boodskap van sy begrotingsrede is dat Suid-Afrika weer by ʼn kruispad staan. “Ekonomiese groei is te stadig en die werkloosheidsyfer is te hoog.”

Volgens Gordhan moet daar ʼn bykomende R28 miljard in belastinginkomste gegenereer word. “Ons moet besteding met R26 miljard verminder oor die volgende twee jaar. Die voorgestelde uitgawes vir 2017/18 is R1,56 duisend miljard. Staatskuld staan nou op R2,2 duisend miljard, of 50,7% van die BBP.”

Gordhan het gesê Suid-Afrika het vir baie jare die voordeel geniet van die invordering van inkomstebelasting wat ekonomiese groei oorskry. “Dit het bygedra tot ons vermoë om openbare dienslewering uit te brei.” Gordhan het gesê daar word verwag dat die totale belastinginkomste vir 2016/17 op R1,144 duisend miljard te staan sal kom, wat ‘n toename van 7% teenoor die vorige jaar is.

Dit is veral ryker Suid-Afrikaners en rokers en drinkers wat meer gaan hoes vir belasting:

• ’n Nuwe belastingkerf van 45% is ingestel vir individue met ’n belasbare inkomste van meer as R1,5 miljoen per jaar;

belastingdrempels

belastingskale
• Die brandstofheffing sal op 5 April met 30c per liter styg en die Padongelukkefonds-heffing met 9c per liter; en
• Sondebelasting op alkohol en tabak sal ook met tussen 6% en 10% styg.

sondebelasting

Teen 2020 sal maatskaplike toelaes 18,1 miljoen Suid-Afrikaners bereik, hoofsaaklik kinders (12,8 miljoen) en bejaardes (3,6 miljoen).

Die kinderonderhoudstoelaag sal na verwagting met R25 in 2017/18 verhoog, terwyl die pleegsorgtoelae met R30 sal verhoog. Die ouderdomstoelaag sal verhoog met R95 per maand in 2017/18.

toelae

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Johann

Die arme man het staal in sy are. Hy moet ons land elke dan en wan red van die onbesonheid van Zuma en sy Zumaikies en hul laaaaang vingers. En vandag betaal ONS…die belasting betalers NOG vir daai fondse. Kaste vil staats geld wat geraid word deur selfvoldane korrupte ANC kronies. Ja wel…

Richard

Ja nê, ek het gedink my persoonlike belasting gaan hoër wees as die 41% wat ek nou betaal, maar ons word tog gebyt op ander manier ook…….

Johan

Ek is n oorlog veteraan. Waar doen ek aansoek? Of is dit nie vir my beskore nie, ek is wit.????

Basjan

Maroela Media, baie dankie vir hierdie puik opsomming van die begrotingsrede. G’n langdradige tegniese aanhalings nie.

Elmien

Hoekom nou die brandstof so baie meer maak eer die drank en sigarette.