ʼn 42-jarige vrou is in Gauteng in hegtenis geneem in verband met vermoedelik gesteelde kruideniersware, wat bedoel is vir behoeftige kinders.
Die polisie het Saterdag gesê die vrou is in Bluegumview, Duduza naby Nigel aan die Oos-Rand in hegtenis geneem. Die inhegtenisneming volg nadat polisiebeamptes ʼn wenk opgevolg het oor ʼn sindikaat wat betrokke is by “die aflewering van kruideniersware vir die skool se voedingsprogram”, het sers. Harry Manaka gesê.
“Die polisie het ʼn wenk ontvang oor ʼn vragmotor wat die kos by ʼn huis in Bluegumview sou aflaai. Toe beamptes by die toneel opdaag, het die vragmotor reeds weggery. Die beamptes het kruideniersware ter waarde van duisende rand in die huis gevind. Die vrou is dadelik in hegtenis geneem.”
Die polisie het ontdek dat die bestuurder van die vragmotor die kos, wat vir die skoolkinders bedoel is, steel en dit dan verkoop. Die ondersoek duur voort en nog inhegtenisnemings sal volg.
Die kruideniersware sluit mieliemeel, melk en vis in en sou later aan die skoolhoof oorhandig word.
“Lede van die gemeenskap het die polisie ontbied en nie hulself blind gehou dat die skool bedrieg word nie,” het Manaka bygevoeg.
Skelms wat net aan hulle eie gierigheid dink pleks van die kinders wat honger gaan slaap maar dit is hoe CR se “our people” maar is.
Goed vd gemeenskap wat saam gewerk het
1) Die Blik……. 2) Die tipe van oortreding is nie tot ras beperk nie, moennie daardie fout maak nie. Weet van persoon, so paar jaar terug, wat kospakkies aan Behoeftiges moes distribueer,maar dan altyd eers vir haar eie huis gesorg het.
Sluit hulle toe sonder kos .Kan jy dit oor vertel.
Bly iemand het fluitjie geblaas.
Ek het in n provinsiale hospitaal gewerk waar ons baie gereeld die ma’s gevang het hul siek kinders se kos opeet (ma’s kry ook hul eie etes) sonder om daai siek kind ‘n krieseltjie kos aan te bied… Dan was dit duidelik hoekom die kind ondervoed was. Hulle maak net groot oe as hulle “uitgevang” word!
sullke lae gemors.
Ja….om in SA n kind te wees vandag is nie speletjies nie.
Nee, kinders word as ‘n “piggy bank” gebruik. Ek wonder hoeveel van die skoolmeisies wat die babatoelaag kry hulle babas gehou/steeds het?
Dit gebeur by ons ook, waar kan ek rapporteer? Ek wil nie by die plaaslike SAP aanmeld nie.
Die medisyne vir die kliniek volg dieselfde paadjie.
Dit gebeur meer as wat ons dink. Hoekom sal ‘n skoolvoedingskema vleis en groente en vrugte van duisende rande koop maar as jy gaan kyk kry die kinders by die skole net stampmielies en kool? Dit is wat by baie skole hier in Limpopo gebeur, veral in die rural areas.