Bejaarde (85) in versorgingseenheid vermoor

polisie-huisroof-crime

Argieffoto: SAPD/Facebook

ʼn Bejaarde vrou is Maandagoggend vermoor in haar selfsorgeenheid by die Macadamia-versorgingsoord in Mbombela (Nelspruit) in Mpumalanga aangetref.

ʼn Personeellid het vanoggend om 06:30 op Hetta Potgieter (85) se liggaam in die badkamer afgekom.

Dit is in dié stadium onduidelik wanneer presies die moord gepleeg is.

Lt.kol. Erhard Stroh, woordvoerder van die polisie, het Maandagmiddag aan Maroela Media gesê die polisie is steeds op die toneel besig met die ondersoek.

Potgieter het alleen in die selfsorgeenheid gewoon. “Haar hande was vasgebind en daar was ʼn voorwerp om haar nek gebind,” het Stroh gesê.

Volgens Stroh sal die familie nog help om te bepaal of enigiets, en indien wel wat, uit die eenheid gesteel is.

“Dit lyk nie in dié stadium asof daar gedwonge toegang tot die eenheid was nie.”

Die polisie ondersoek sake van moord en huisroof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
RIP

Seker weer haar dametjie wat in die huis werk en die se vriend wat toegang tot die huis gehad het .. die oumense wil nou net vir eens en vir altyd nie leer nie . en die aftree-oorde se sekuriteit is skokkend .. JULLE MOET WAKKER WORD Voordat al die oumense vermoor is. My innige simpatie aan die oorledene se familie en vriende .. GEEN oumens verdien om so gemartel en vermoor te word nie.

remondo

Ai eks so jammer om van die tannie se dood te hoor – wragtig is dit nodig om so n weerlose vrou te vermoor???

Annie

Sterkte aan almal. Baie hartseer.

Wonder net

Inside job? Iemand bekend aan haar wat daai tyd van die oggend toegang tot haar eenheid gehad het?

karen

verlede week is baie soortgelyke geval in een van Springs se senior-burger oorde aangemeld…..