Bejaarde boer op KZN-plaas vermoor

Argieffoto: Reint Dykema

Argieffoto: Reint Dykema

ʼn 77-jarige boer is op sy plaas naby Paulpietersburg in KwaZulu-Natal vermoor.

Maj. Shooz Magudulela, woordvoerder van die polisie, het bevestig Frieder Johannes Filter (77) is Vrydagaand vermoor. “Die polisie ondersoek ʼn saak van moord en niemand is nog in hegtenis geneem nie.”

Eugene van Aswegen, voorsitter van AfriForum se Paulpietersburg-tak, het aan Maroela Media gesê Filter, sy vrou en twee van hul kinders is omstreeks 19:00 op hul plaas in die Luneburg-omgewing oorval.

“Dit is nog nie heeltemal duidelik presies wat gebeur het nie, maar die verdagtes het glo in ʼn stadium vir Filter vasgehou en agteruit met hom uit die huis geloop. Toe hulle by die deur uit is, het ʼn skoot afgegaan en hy is in die kop getref.”

Volgens Van Aswegen is Filter op die toneel dood. “Daar was glo twee verdagtes in die huis, maar ons verneem daar kan tot ses aanvallers gewees het. Dit wil voorkom of die aanvallers geskrik het toe daar so baie mense in die huis was aangesien die Filter-egpaar se kinders van Duitsland daar gekuier het. Die kinders het glo sowat 20 minute voor die moord eers by die huis aangekom.”

Dit is nie duidelik of enigiets tydens die voorval gesteel is nie. Volgens Van Aswegen is daar na afloop van die moord na die verdagtes gesoek maar sonder sukses. “Die polisie volg tans leidrade op.”

Maj. Magududela het gesê daar was vermoedelik ses verdagtes en dat nog ʼn persoon buite die plaas geskiet en ernstig beseer is. Dit is egter nie duidelik of die persoon ʼn familielid is of iemand wat net verby die plaas beweeg het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
Hartseer

Ai, dis verskriklik… Só hartseer… Net ons Hemelse Vader kan hierdie familie vertroos…

Frederik

Darem sal Duitsland hopelik nou ‘n beter idee kry van hoe dit werklik in Suid Afrika gaan.
Sterkte aan die familie!!

Uhmmm

En nogsteeds wil ons mense nie leer nie. Dit gaan nie ophou nie, so wat soek ons nog daar…Jy moet weet dit gaan kom solank jy op jou grond bly. Kom ons kyk hoeveel boere gaan nog dood voor die oe oop gaan.

wilma

Ek wil graag weet wanner gaan die anc di moorde dan stop stop sit. So kan dit mos nie meer aan gaan

Irene

Dit sal nooit stop nie hul het mos gesing kill the boer net jammer die ou mense kry so seer