Bejaarde dood in begraafplaas gevind ná plaasaanval

Miemie Frost. Foto: Verskaf

ʼn Bejaarde vrou van Bethlehem se liggaam is Saterdagoggend ná ʼn ure lange soektog in ʼn begraafplaas aangetref.

Die 72-jarige Miemie Frost het alleen op ʼn plaas buite die dorp gewoon. Sy was ʼn weduwee en het van die grond op die plaas ook uitverhuur.

Volgens Isoldé Laesecke, AfriForum se takvoorsitter in Bethlehem, is Frost se bakkie vanoggend omstreeks 2:00 in die dorp opgemerk en is daar dadelik na die plaas, wat sowat 30 km uit op die Kaallaagtepad geleë is, gejaag.

Frost se vuurwapen en ʼn flitslig is in ʼn varkhok op die plaas gevind. Volgens Laesecke was daar geen bloed nie en daar was ook geen tekens van ʼn struweling in die plaashuis nie. Daar was egter ook geen teken van Frost nie en ʼn grootskaalse soektog is onmiddellik van stapel gestuur.

Frost se foon was af. ʼn 40-jarige man is intussen in hegtenis geneem in verband met die voorval en Frost se liggaam is omstreeks 10:00 in die Utopia-begraafplaas aan die buitewyke van die dorp aangetref. Sy het glo verskeie kopwonde opgedoen en is op die toneel dood verklaar.

Konst. Puleng Lebakeng, woordvoerder van die polisie, het die voorval bevestig en gesê die verdagte het glo voorheen op die plaas gewerk. Hy word van moord aangekla en sal binnekort in die hof verskyn.

Frost het volgens Laesecke op klein skaal geboer. Haar twee dogters woon die een op Bethlehem en die ander in Bloemfontein.

Volgens Laesecke het landelike beskerming, AfriForum, die polisie en ander organisasies saamgewerk om Frost op te spoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
Zoom Zoom

Sekerlik klaar uit opborg.

Antoon

Cyril is seker oppad vir huisbesoek

Kootjie

Sulke helle!! Jy voer hulle gee klere en sorg ook vir die kinders!! En dan
………Wat kan ek se!!!

Pottie

Ek is n lid van afriforum maar hulle bly maar ook net praat word net wakker mense asb praat gaan ons niks help nie dit is van al die praat dat ons is waar ons is sterkte hou julle maar aan hou praat

Christine

Daar moet drasties iets gedoen word raak net erger en erger wat gaan aan met ons siek wereld .Sterkte aan dogters so wreed.Moord ,korrupsie neem die wereld oor.