Bejaarde egpaar en dogter aangeval op Vredenburg

Geraldine, Stephen en Estella Prinsloo is in hul huis in Vredenhurg aangerand. (Foto: Verskaf)

Drie gewapende rowers het ʼn bejaarde egpaar en hul dogter Woensdagaand by hul huis in Vredenburg in die Wes-Kaap beroof en aangerand.

“Die wreedheid in hul oë was duiwels, boos. Die woede en die haat het gesê: ‘Ons kom om julle te vermoor’,” het die slagoffers Donderdag aan Maroela Media gesê.

Volgens Geraldine Prinsloo (36) was sy net voor 19:00 buite toe drie mans met ʼn silwer Corsa-bakkie agteruit by hul erf inry. Sy het onmiddellik geweet iets is fout en het gou die pepersproei in die huis gaan haal. Haar ma, Estella (61), en pa, Stephen (63), was besig met aandete.

Die rowers het aanvanklik voorgegee om hout te koop en Geraldine het kleingeld in die huis gaan haal.

Die rowers het Estella toe in die houtstoor langs die garage ingedruk. Sy het herhaal dat Geraldine kleingeld sal bring, waarop een van die rowers haar herhaaldelik met ʼn pistool op die bors begin slaan het. Hy het haar naderhand op die grond gegooi en toe sy opstaan, het hy haar weer met die pistool gestamp. “Ek het die pepersproei gegryp en hom gespuit, maar hy het my deur die gesig geklap en weer met die pistool geslaan,” sê Estella. “Ek het aanhoudend gegil en om ons lewe gesmeek.”

Geraldine is die huis ingestamp, waar die aanvallers Stephen teen die muur vasgedruk het. Hy is verskeie kere met ʼn pistool teen die kop geslaan en sy bril het in stukke gebreek.

Bloedspatsels op die teëls wys hoe die Prinsloo’s aangerand is. (Fot0: Verskaf)

“Die aanvallers het deurgaans Engels gepraat en gesê dat hulle die kluis soek,” vertel Estella. Die Prinsloos het gesê dat hulle net geld in die houtstoor gehad het. “Een van hulle het ʼn pistool teen my gesig gedruk en my na die houtstoor gestoot. Ek het die geldlaai oopgesluit en hy het al die geld daarin gevat,” sê Estella. Die drie is nie seker hoeveel geld in die laai was nie.

Terug in die huis het die aanvallers met Geraldine oor haar selfoon begin stoei. Stephen het hulle van haar afgeruk en Geraldine het die kans gebruik om deur die voordeur te vlug, oor ʼn hoë betonmuur te klim en die bure te vra om die polisie te bel.

Volgens Stephen het die rowers met die geld laat spaander toe hulle besef dat Geraldine weg is. “Ek sê net dankie, Here. As Geraldine nie weggehardloop het nie, was ons dood,” sê Stephen.

Die Prinsloos het ʼn saak van huisroof by die Vredenburg-polisie aanhangig gemaak.

Kapt. André Traut, woorvoerder vir die Wes-Kaapse polisie, het bevestig dat die Vredenburg-polisie ʼn saak van huisroof ondersoek. Enige persoon met inligting word vriendelik versoek om Crime Stop by 08600 10111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

14 Kommentare

AndréS ·

Dit is nou eenmaal te veel
Tyd dat ons self iets begin dien hieraan

Fedup ·

This has gone too far.
We should have put our foot down years ago.
Time to wake up my fellow south africans.

Andre ·

Karin, ons behoort nou al teen die tyd te weet!
Vreeslik goed om reels te sit en maak, maar om die reels te volg…

gatgogga ·

Wees maar eerlik hieroor – Cyril het nooit beloftes aan ons gemaak nie. Hy het nooit laat weet dat hy vir ons sal sorg nie. Nee, die een wat jou verneuk het is nie Cyril nie, dit is Pienk Freddie.

Hettie ·

Ons almal gaan baie paraat moet wees. Die aanslag op ons word al groter en veller!

AH ·

Van wanneer af is aanranding en poging tot moord “huisroof”?

Jakes ·

Hoekom gebeur dit met weerlose mense? Glo my, dit sal hul laaste keer wees as hulle dit met die verkeerde mense probeer.

Johan ·

Ek stel voor dat elke vreemdeling besoeker gesien moet word as ñ misdadiger! Waarom aldrie die boewe ontvang,is ñ raaisel. Wakker word,mense,of emigreer!

Jack ·

Kan ons wit mense nie dit in hul koppe kry dat ons veiliger in ons tronke is nie. Wantrou elke swart persoon wat jy nie ken nie. Julle lees tog elke dag hoe hulle te werk gaan. Beskerm julleself deur wakker te wees. Die mense het net een oogmerk en teikens word gekies en is nie lukraak nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.