Bejaarde egpaar glo met hamer aangerand

ʼn Bejaarde egpaar word in ʼn Wes-Kaapse hospitaal behandel nadat hulle tydens ʼn huisbraak in Vermont naby Hermanus met ʼn hamer aangerand is.

plaas-polisie-veld

Argieffoto

Volgens lt.kol. Andrè Traut, polisiewoordvoerder, het die voorval Maandag omstreeks 05:20 plaasgevind toe die bejaarde egpaar deur twee aanvallers gedreig en aangerand is.

AJ Meintjes, skoonseun van die egpaar, het ná afloop van die aanval aan Maroela Media gesê die egpaar is glo albei met ʼn hamer oor die kop geslaan en word tans in die hospitaal behandel. “Daar was baie bloed op die toneel,” het hy gesê.

Volgens Meintjes is sy skoonouers ouer as 85 jaar en woon hulle op ʼn perseel wat redelik beveilig is. “Dit is vir my uiters frustrerend omdat ek as oudweermaglid al lankal pleit vir verbeterde buurtwag-, plaaswag- en GPF-prosedure, en beswaar maak dat van ons plaaslike veiligheidstrukture in isolasie werk, nie behoorlik opgelei en toegerus is nie en nie die nodige politieke dekking of rugsteun geniet nie,” het hy gesê.

Volgens Traut het die rowers met huishoudelike goedere gevlug en niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Anoniem

Aag nee toe, nou moet iets daadwerkliks gedoen word Minister van Wet en Orde ! Nou is dit glad nie meer SNAAKS nie !

Lindtjies

Hulle haat die oumense verskrilkik want hulle glo die oumense was verantwoordelik vir hulle swaarkry gedurende die apartheids jare. Oom, tannie dit is baie sleg dat julle wat al so gevorderd in jare is die sagte teiken moes wees. Spoedige herstel en ons dra julle op aan ons Hemelse Vader.

Willie

Weerlose mense so aan te val, en beseer… dis inderdaat poging tot moord… so iets is in wetgewende lande op die voorblad! Is SA is daar nie genoeg voor of agter bladens vir al die misdaat nie

christa

dis nou mense wat jy jou moet vereenselwig. Geen gevoel vir oumense wat hulle nie self kan verdedig nie.

Karolis

AJ, wees kalm, hou kop, die regte tyd is oppad.