Bejaarde egpaar op plaas vermoor

(Argieffoto: Lorraine Claasen)

Twee bejaardes is dood nadat hulle Woensdagaand by hul huis op ’n plaas in die Levubu-omgewing in Limpopo aangeval en die huis aan die brand gesteek is.

Volgens Llewellyn Hemmens, AfriForum Noordstreek se hoof vir veiligheid, het ’n buurtwaglid rook in die lug naby die egpaar Louis en Ina Cloete se plaas – sowat 40 km van Louis Trichardt – gesien. Hy het na die plaas gery en gesien die huis is in vlamme.

“Op pad na die plaashuis, het die buurtwaglid twee mans in die bejaardes se bakkie gewaar. Toe hulle die buurtwag sien aankom, het hulle uit die bakkie gespring en weggehardloop,” vertel Hemmens.

“Twee vuurwapens is in die bakkie gevind. Dit is nog nie duidelik of die vuurwapens aan die bejaardes behoort het nie.” Volgens lt.kol. Malesela Ledwaba, polisiewoordvoerder van Limpopo, is verskeie items, waaronder vuurwapens, wel tydens die aanval gebuit.

Die Cloete-egpaar se liggame is vasgebind in die huis gevind nadat die vlamme geblus is. Volgens Hemmens het die huis omtrent heeltemal afgebrand. Ledwaba het aan Maroela Media gesê die slagoffers was onherkenbaar verbrand.

Die polisie en nooddienste is na die toneel ontbied. Nog niemand is in verband met die voorval in hegtenis geneem nie. Die polisie het ʼn 72-uur-aktiveringsplan van stapel gestuur om die verdagtes te probeer opspoor.

Die berig is gewysig sedert dit aanvanklik gepubliseer is – RED.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

49 Kommentare

jongste oudste gewildste
Wayne

Lebuvu ? Ek ken slegs n ” Levubu ” naby Lous Trichardt

marius

Gebroedsels !

AmY

Ek weet nie meer nie. :-(

Renier

Nog n bewys van hoe lafhartig die afrikaan is.

Emile

Hierdie Trawante is moordenaars en verdien die doodstraf