‘n Bejaarde man is erg beseer toe honde hom in Durban aangeval het. (Foto: Rusa)
ʼn Durbanse pensioenaris is erg beseer toe hy Maandag deur drie honde aangeval is. Hy was op pad om sy pos te gaan haal by ʼn gemeenskaplike posbus toe die voorval plaasgevind het.
Die 79-jarige man kon daarin slaag om uit die honde se kake te ontsnap toe ʼn verbyganger die honde met bakstene begin gooi het. Volgens Prem Balram, woordvoerder van die Reaksie-eenheid van Suid-Afrika (Rusa) het die eenheid Maandag teen 11:00 ʼn oproep van omstanders gekry met betrekking tot ʼn bejaarde wat op die grond lê. Die man het wonde aan sy hande en bene gehad wat heelwat gebloei het.
“By ons aankoms op die toneel was dit duidelik dat die honde die man aangeval het kort nadat hy uit sy Toyota Carola geklim het om sy pos uit te haal. Die drie groot honde het skynbaar uit ʼn nabygeleë erf ontsnap,” sê Balram.
“Hy het oop wonde aan sy hande en bene gehad en mediese sorg benodig. Hy is na ʼn hospitaal geneem.”
Volgens Balram het die eienaar van die honde op die toneel aangekom en kon nie verduidelik hoe sy honde uit die erf ontsnap het nie, aangesien sy erf deur ʼn muur omhein is. Die slagoffer se familie het Maandag aan die African News Agency gesê dat hulle geen kriminele klagte of siviele eis teen die eienaar van die honde gaan instel nie. Die slagoffer se seun, Prashan Parsadh, het gesê hulle is net bly hul pa lewe. “Ons verstaan hy [die slagoffer] was net op die verkeerde plek op die verkeerde tyd.”
Watse honde is dit? Indien dit pitbulls is moet hulle dadelik van kant gemaak word. Hulle gaan weer iemand verskeur
Hoekom word pitbulls altyd eerste van die ergste verdink…….. Is hul al honde wat kan byt? Is hul die enigste honde met tande? Nee magtig man kom oor jul “stereo typing”.
Stem sterk saam
‘n Pitbull is nie ‘n hond nie, dit is ‘n baster brak. Mense wat so spog met hul “opregte” pitbulls moet gaan navorsing doen oor hierdie brakke.
Hmmm, ek wonder of jy werklik die hele geskiendis ken, voor jy hierdie aantuigings maak. Ja daar is van hulle wat “in breeding” het, maar NIE ALMAL is nie. REGTIG
En as dit Jack Russels was dan sal hulle nie weer iemand verskeur nie…
Regtig? Chihuahua’s byt ook, maar is nie so groot of sterk soos Pitbulls nie. Byna elke artikel waar ‘n hond iemand aanval of ‘n kind verskeur word ‘n Pitbull genoem. Ek het kinders, en sal nie eers ‘n Pitbull oorweeg nie. Hoop nie Pitbull eienaars laat hul kinders sonder toesig by hul Pitbulls toe nie. Dis soos om oor ‘n rooi verkeerslig te ry en te hoop jy is veilig.
Ek sou se eerder soos om jou klein kind sonder toesig rondom n oop swembad te laat speel. Ek het sulke honde en is nie bang dat hulle my kinders sal byt nie, maar dit beteken nie dat mens hulle net kan los nie. Kinders verstaan nie as hulle honde irriteer nie so mens moet maar n ogie hou, net soos jy in elkgeval n driejarige moet dophou anders jaag hulle aan.
‘n Ongeluk wat wag om te gebeur. Ek ry fiets. Die Pitbulls gaan sonder uitsondering heeltemal mal as ek verby hul huise ry. As hulle uitkom gaan hulle my definitief aanval. Hierdie honde hoort nie in woonbuurtes nie.
Ja hoekom woed Pitbulls altyd eerste as GEVAARLIK GESIEN SNERT EK HET EEN EN HY IS LIEFDEVOL EN GEHOORSAAM……EN AS DIT N POODLE OF TOY POM WAS…….
Alle pitbulls, sonder uitsondering, wat al ooit mense aangeval het, was liefdevol en gehoorsaam. Weet jy van een geval wat dit nie was nie? Laat weet asb. Poodles en Toypoms kan byt, maar kan nie ‘n mens verskeur en doodmaak nie.
Mense moet leer dat hulle verantwoordelik is vir hul hond se gedrag. Hoe n hond grootgemaak word, geleer en behandel word het n baie groter impak as watter tipe hond dit is. Ek het staffies wat gereeld geklasifiseer word as pitbulls. Na my kinders is ons katte hul beste maats.
Mense, mense, kalmeer, ons weet nie eers of dit Pitbuls was nie.
As ‘n hond eers eenkeer gebyt het gaan hy weer byt, die eienaar sal moet kyk hoe sy honde uit die jaard gekom het, die volgende persoon mag dalk nie so gelukkig wees om dit te oorleef nie.
Kom aan, dis nie net pitbulls wat aanval nie. Die hond sal optree soos hy groot gemaak is.
Die eienaars wil nie luister nie. Ek stel geweldige streng wette voor wat die eienaars vir jare tronk toe stuur wanneer die mishap GAAN plaasvind.
Stuur die eienaar tronk toe.