Bejaarde glo in staatshospitaal aangerand

Die wond aan Anna-Marie Buys se nek. (Foto: Verskaf)

WAARSKUWING: Die inhoud in die berig is grafies van aard en kan sensitiewe lesers ontstel.

’n Familie van Johannesburg is boos nadat ’n medepasiënt na bewering hul bejaarde ma in die Helen Joseph-staatshospitaal in die stad aangeval het. Dié pasiënt is glo dae later nog in dieselfde saal as hul ma behandel.

Debbie Buys het Dinsdag aan Maroela Media gesê haar skoonma, Anna-Marie Buys, is Saterdag omstreeks 01:45 deur ’n medepasiënt met ’n plastiekmes aangeval.

Anna-Marie is in haar laat 70’s en vroeër vanjaar met brein- en longkanker gediagnoseer. Sy het ook ’n beroerte gehad en is aan die linkerkant van haar liggaam verlam gelaat.

Volgens Debbie het haar skoonpa Saterdag by sy vrou in die hospitaal gaan kuier toe hy ’n stuk gaas aan haar nek opgemerk het.

Haar skoonpa het eers nie veel daarvan gedink nie totdat die gaas later losgekom het en hy die wond aan Anna-Marie se nek gesien het. Hy het dadelik vir Debbie en haar man ingelig wat hulle toe na die hospitaal gehaas het.

Debbie vertel daar is aanvanklik aan hulle gesê dat ’n medepasiënt vir Anna-Marie wou bid en dat sy in die proses beseer is.

’n Ander pasiënt, wat in dieselfde saal as Anna-Marie en die beskuldigde behandel word, het egter vertel sy het gesien hoe een van die ander pasiënte in die saal op Anna-Marie se bors sit, met die hand Anna-Marie se mond toehou en met die ander aan haar nek met ’n plastiekmes sny.

Anna-Marie het ook later self die gebeure bevestig. “My skoonma se presiese woorde was: ‘’n Vrou het bo-op my gesit en wou my doodmaak’,” vertel Debbie.

Kneusplekke aan Anna-Marie Buys se nek. (Foto: Verskaf)

Die Buys-familie is ontstoke omdat die hospitaalpersoneel glo nooit met hulle kontak gemaak het ná die voorval plaasgevind het nie. Die beskuldigde is ook nie onmiddellik uit die saal verwyder nie, maar twee dae ná die voorval nog in dieselfde saal as Anna-Marie behandel. Die hospitaal voer aan dat hulle herhaalde pogings aangewend het om met die familie kontak te maak.

“My skoonma is baie getraumatiseer en verbouereerd. Ek kan vir niemand sê waardeur ons sedert Saterdag is nie.”

Die familie kon daarin slaag om Dinsdag ’n vergadering met die uitvoerende hoof van die hospitaal te belê. Hulle kan nie ’n saak by die polisie aanhangig maak nie, aangesien hulle nie die besonderhede het van die pasiënt wat hul ma glo aangerand het nie, verduidelik Debbie.

Sy verduidelik dat hulle gedurende die vergadering ooreengekom het dat die hospitaal ’n saak by die polisie aanhangig sal maak en die saaknommer aan die familie verskaf. “Die saaknommer is teen vanoggend (Woensdag) nog nie ontvang nie,” sê Debbie.

“’n Hospitaal behoort ’n plek van veiligheid te wees. My ma se keel is met ’n stomp mes gesny. Daar word gesê dat ons almal dieselfde basiese mediese sorg moet hê, maar hoe is dit moontlik as dít in staatshospitale gebeur?”

Debbie verduidelik dat die familie nie in dié stadium in staat is om Anna-Marie na ’n privaat hospitaal te laat oorplaas nie. “Ons kan haar weens haar toestand nie huis toe neem nie. Ons wil nou 24 uur lange toegang tot haar hê. My skoonma kan nie vir haarself praat nie.”

Philani Mhlungu, woordvoerder van die Gautengse departement van gesondheid, het die voorval aan Maroela Media bevestig.

“Ons kan bevestig dat die voorval Saterdag omstreeks 01:45 plaasgevind het. Die bewerings oor die hantering van die saak word egter bestempel as ongegrond en word tans verder ondersoek. Die hospitaal kan ook bevestig dat albei pasiënte in ’n stabiele toestand is,” het Mhlungu gesê.

“Die hospitaal prioritiseer die veiligheid van pasiënte by opname en risiko-assessering word daagliks van alle pasiënte gedoen. Ongelukkig kon die hospitaal nie die voorval voorsien nie, aangesien die pasiënt kalm was en geen tekens van aggressie getoon het nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

26 Kommentare

SeMaarNet ·

My raad aan die familie is maak wel ‘n saak by die polisie. Sodat dit wel verder ondersoek word. Die hospitaal sal dit nie doen nie, maar as julle die saak oopmaak, sal die hospitaal wel genader moet word en die inligting verkry word. En daai pasient sou ek persoonlik self verwyder het as dit my moeder was. Hulle sou my nie uit die saal kon hou nie.

Michara ·

Ek stem 100% saam met jou. Familie moet ‘n saak oopmaak en SAPS kan in hulle ondersoek die besonderhede van die verdagte by die Hospitaal kry.

Karin ·

Hoekom probeer hulle nie vir Ouma ‘n plek in ‘n Hospice kry nie? Geen mens verdien om deur sulke trauma te gaan nie!

Naomi Berger ·

Dis regtig verskriklik. Weet almal gaan verpleegstaf verantwoordelik hou.
Hulle is egter net so blootgestel.
Psigiatrise pasiente hoort nie in alg hospitale nie en moet in psigiatriese hospitale opgeneem word.
Dis die plig van die staat om pasiente en staf veilig te hou.
Hier kom nog ‘n saak teen die fie staat …. en met groot reg.

Christa ·

Knyp liewer Af en kry mediese finds. Die staatshospitale is rassisties en gee nie vir ons Om nie

Michelle ·

Dis maklik om te sê knyp liewer af. As jy nie eens genoeg verdien vir jou basiese behoeftes nie, hoe knyp jy af. Ongelukkig is daar baie mense wat dit nie eers amper kan bekostig nie en moet hulle maar gebruik maak van staatshospitale

Charlie ·

Michelle, ditto – ek wou dieselfde sê. Daar is baie mense wat geensins in ‘n posisie is om af te knyp vir mediese fonds nie.

Stof ·

Sus Michelle, baie dankie dat jy ons wat as geroepenes dien in die publieke sektor, se karakter veralgemeen as rassisties. Minstens het ek nou ‘n diagnose en hopelik ‘n goeie prognose.
Rassisties, die uwe…

Peet ·

Elke departement het Lesufi weergawes wat GEEN verantwoordelikheid neem nie.

Toy ·

Ek sal dit verloor. Iemand moes een van my ouers so aangerand het. Hoop die een wat dit gedoen mag nooit weer verpleeg nie. Moenie doen aan iemand wat jy nie aan jouself gedoen wil he nie.

EO ·

Toy, dit was ‘n mede pasiënt, nie ‘n verpleër wat nooit weer mag verpleeg nie. As dit my moeder was, sou ek die hospitaal al hulle hel gee!!!!!

Francois ·

Jammer om dit te hoor, hoop die tante sterk aan, aan die familie dagvaar die sewende soorte rook uit hulle uit, maak voorbeelde, dagvaar almal, verpleegsters, hoof van die saal die dokter die een wat aangeval het ALMAL, maak sake oop en volg op, ry hulle!

J ·

Ons almal weet wie die “mede-pasient” was. Nog n ou blanke mens aangerand met die doel om dood te maak.

JK ·

Aangeval deur rassistiese mede pasient, aangeval omdat sy wit is.

Johan ·

My vrou was ook in dieselfde Hospitaal met n psigiatriese pasient wat haar konstant gepla en gedrieg het. As jy iets gese het dan het hulle gese ons moet net rustig wees sy is ook net n mens

jakes ·

Nou het ek alles gehoor. As staatspasiente nie deur swak mediese sorg in hospitale omkom nie, word hulle deur kranksinniges aangerand. Gewapende misdadigers kom tot in sale en skiet mense voor die voet dood. Wilder as die wilde weste sal jy nerens kry as in SA.

Attie ·

Gaan kla die president van hierdié land en sy hele kabinet aan by die wêreldhof, want hul versaak hul plig teenoor hul burgers. Veiligheid, onderwys en gesondheidsdienste gaan ten grond. Die Grondwet is ‘n klug, nes die plaaslike howe.

Susanna ·

Waar was die hospitaal-personeel?! Seker aan die slaap soos gewoonlik!

lizzi ·

Ek sal nie verantwoordelik gehou kan word vir my dade as dit een van my familielede was nie , maak ‘n saak die SAPS moet dit van daar neem om die skuldig op te spoor, DIS HULLE WERK!

LH ·

HOE het hulle nie die besonderhede van die ander pasient nie? of is dit net ons, wat ons hele pedigree moet invul voor jy in die elle lange rye gaan staan?

Jerry B ·

Arme bejaardes voel so jammer vir hulle. Hierdie mense sal in 400 jaar nooit hulle werk doen nie punt. Niemand gaan dit verander nie, dis n attitude probleem. Nou as jy nie wil werk nie get out regtig. Maak mens woedend.

Lorinda Gerber ·

My Ma was ook in Staatshospitaal. Geen verpleegsters in nag, geen versorging en toilette verstop

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.