Bejaarde in Aliwal-Noord vermoor

polisie-huisroof-crime

Argieffoto: SAPD/Facebook

Die klein gemeenskap van Aliwal-Noord is geruk nadat ʼn bejaarde wewenaar oor die naweek in sy huis in die Oos-Kaapse dorp vermoor is.

Kapt. Ursula Roelofse, polisiewoordvoerder, het Dinsdag aan Maroela Media gesê Sam van der Westhuizen (78) het alleen in sy huis in Durbanstraat gewoon.

“Sy liggaam is Sondagaand deur sy bure gevind. Hulle het bekommerd geraak en gaan ondersoek instel nadat hulle sedert Saterdag geen tekens van hom opgemerk het nie,” het Roelofse gesê.

Van der Westhuizen se liggaam is op die vloer van sy slaapkamer aangetref. Hy het sigbare wonde aan sy bolyf en kop gehad.

Hy is Saterdag laas lewend gesien toe hy in die dorp rolbal gespeel het. Dit is nog nie duidelik hoeveel mense by sy moord betrokke was, en wanneer hy vermoor is nie.

“Na wat vasgestel kan word, het die verdagtes in die slagoffer se bakkie gevlug met televisiestelle, ʼn skootrekenaar, ʼn selfoon en sy vuurwapen.”

Van der Westhuizen se bakkie is later verlate in die omgewing gevind.

Die polisie ondersoek ʼn saak van moord. Niemand is nog in verband met die voorval in hegtenis geneem nie. Die polisie doen ʼn beroep op die gemeenskap om versigtig te wees aangesien die verdagtes gewapen en gevaarlik kan wees.

Mense met inligting wat die polisie in hul ondersoek kan bystaan, of wat verdagte mense in die omgewing opmerk, word versoek om sers. Booysen by 082 302 5308 of sers. Mlindazwe by 083 858 4785 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Charlotte

So hartseer!! Mag die moordenaars vinnig gevang word…..die ou bejaarde omie het NIE verdien om sy lewe so af te sluit nie!! Mag die moordenaars menigte slapelose nagte ervaar en mag hul gewete hul mal maak!!! Aan die familie…sterkte julle mag God jul opnuut krag gee behoed en bewaar!!

Theresa B

Alles is so sinneloos. Ek verstaan nie die dinge nie. My brein werk nie as dit hier by oumensies kom wat sover gevorder het in jare nie. Om so wreed dood te gaan.

Gesiggie

Weer en Weer nou net lees ek van die Tannie en nou van Oom Sam? ag nee man… hierdie ou mensies kan nie terug veg” hoe kan hierdie Monsters net toesak en maak soos hul wil… hoekom vat jul nie net wat jul soek, en verdwyn, hoekom moet jul altyd moor”’ ek het nie woorde”’ dit maak n mens so kwaad, n mens voel lus om iets te uiter, maar dit sal nie deur Maroela Media aanvaar word…. ons land is in een groot gemors… gaan soek vir jul werk, hou op steel en Moor… My innige meegevoel aan Sam… Lees meer »

m

Hierdie mense is ma net daarop uit om wittes uit te moor.

skaam

VOLKSMOORD sagte teikens Wit wreed SIES! Mag ons genade ontvang …en diè wat so is(met Moord in die hart) mag sulkes moordenaars ook SO WREED ! tot hul einde kom.!