Bejaarde koster kritiek ná aanval op Zeerust

Argieffoto: RoyBuri / pixabay.com

Toe die kerkklok in die Noordwes-dorpie Zeerust nie Sondagoggend gelui het nie, het dit ʼn gemeentelid na die huis van Jan McDonald gelei waar hy in ʼn kritieke toestand aangetref is.

McDonald (80), ʼn ou bekende inwoner en koster van ʼn plaaslike kerk wat ook elke Sondagoggend die kerkklok lui, is Sondagoggend in sy huis aangetref nadat hy vermoedelik Saterdagnag of vroeg Sondagoggend in sy huis oorval en erg aangerand is.

Karlien Venter, die VF Plus-lid op die dorp, het die nuus van die aanval op sosiale media gedeel en vir gebede gevra. ʼn Onbekende hoeveelheid aanvallers het vermoedelik toegang tot sy huis verkry deur ʼn venster uit te slaan. Hy is in sy bed oorval.

Lt.kol. Adel Myburgh, provinsiale polisiewoordvoerder, het Sondag aan Maroela Media bevestig die slagoffer het alleen gewoon.

“Toe hy nie vanoggend by die kerk opdaag en oudergewoonte die kerkklok lui nie, het een van die gemeentelede na hom gaan soek en om 08:00 op hom in sy huis afgekom,” het Myburgh gesê.

“Hy is geweldadig aangerand en kritiek beseer. Dit is in dié stadium nog nie duidelik hoeveel verdagtes betrokke was nie. Dit is ook nie duidelik wat presies gesteel is nie. Sover vasgestel kan word, is die kluis oopgebreek en is daar vuurwapens en ʼn bedrag geld gesteel. Die polisie is nog op die toneel om ondersoek in te stel,” het sy gesê.

Die Zeerust-polisie ondersoek ʼn saak van huisroof en poging tot moord. Meer sake kan bygevoeg woord namate die ondersoek voortduur.

Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Drieks

ANC, DA en EFF. Jul sal nooit ooit die land kan draai nie, want elke dag word honderde mense deur aanvallers seer gemaak en gedood. Julle arogansie het ons in groot gemors.
Dank vir Cope en Vf + wat nog opstaan teen misdaad.

Tersia

Afgryslik. Ek stem saam, die leiers hits hul volgelinge aan. Dis net ”n weerlose ou wit man .

Han

Mag die Almagtige God ingryp in hierdie moorddadige land! Dit kan waaragtig nie so aangaan nie! Hoeveel nog?

Anton

Sterte aan die oom! As ek n speurder was sou ek heel eerste gewonder het hoe hul van die kluis weet. Tweedens sou ek my hele pensioen verwed het dat daar n huishulp in diens is van die oom. Derdens sou haar familielede en vriende vanaand nog in aanhouding gewees het. Moet NIE n huishulp aanstel nie dit hoort in die verlede.

Anoniem

Haatlike barbaarse misdadigers!!!