Bejaarde kritiek na kaping

polisie-huisroof-crime

Argieffoto: SAPD/Facebook

ʼn Bejaarde vrou is in ʼn kritieke toestand nadat sy verskeie kere geskiet is tydens ʼn kaping in die oprit van haar huis in Weltevredenpark, in Roodepoort.

Athlenda Mathe, woordvoerder van Netcare 911, het gesê die voorval het Maandag omstreeks 12:40 plaasgevind. “Paramedici het die vrou op die toneel gestabiliseer voordat sy na ʼn nabygeleë hospitaal geneem is vir verdere mediese sorg.”

Volgens Russel Meiring, woordvoerder van ER24, is die 68-jarige vrou deur ʼn onbekende aantal gewapende mans voorgekeer in die oprit van haar huis. “Paramedici het die vrou in die tuin gevind waar ʼn ander paramedikus reeds besig was om haar te behandel.” Dit was nie onmiddellik duidelik hoeveel keer die vrou geskiet is en of die verdagtes met haar motor gevlug het nie. Die polisie ondersoek die voorval.

Mathe het intussen gesê paramedici van Netcare 911 is vroeër Maandag na ʼn huis in Boksburg ontbied, waar ʼn man, glo in sy 50’s, ook verskeie kere geskiet is tydens ʼn kaping in die oprit van sy huis. “Hy was in ernstige toestand en is na ʼn nabygeleë hospitaal geneem vir verdere behandeling.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Zettispagetti

Val oumense aan want hulle is lafaards!

Rob

How many more? there is no end to these daily murders, it’s open season.

Rin

Dit hou net nie op nie, dis erger as ooit tevore

Nursie

Ons blankes word een een uitgemoor en dood gemaak sonder rede. Kommerwekkend!

Johnny

Weltevredenpark, Allens Nek, Strubensvallei en Wilgeheuwel loop deur. Selfs met Whatsapp sekuriteitsgroepe, buurtwag, kring TV, gewapende reaksie en persoonlike sekuriteit is daar min keer. Die rowers is eenvoudig vreesloos. Vals registrasienommers, en die SAP trek skouers op oor die beeldmateriaal. Dit is ‘n oorlogsone.