Bejaarde man met doringdraad vasgebind tydens plaasaanval

Argieffoto: Maroela Media

ʼn Volskaalse soektog is Donderdagoggend van stapel gestuur na ʼn groep verdagtes wat ʼn bejaarde egpaar op ʼn plaas in Mpumalanga aangeval en beroof het.

Marius Müller, nasionale veiligheidskoördineerder van AfriForum, het aan Maroela Media gesê alle veiligheidstrukture van AfriForum se plaaslike buurtwag in Machadodorp is omstreeks 08:00 in werking gestel toe die plaasaanval aangemeld is.

“Dries en Mariaan Schoeman is vermoedelik deur drie of vier mense op ʼn plaas tussen Waterval-Boven [Emgwenya] en Machadodorp [eNtokozweni] oorval. Ons weet nie presies hoe laat die voorval gebeur het nie. Dries is buite die huis aangetref waar hy glo met doringdraad aan ʼn houtpaal vasgebind was. Mariaan is in die huis gevind waar sy aangehou was,” het Müller.

Die egpaar is onder meer met ysters aangerand. Dries het vermoedelik skedelbreuk opgedoen en moes met ʼn helikopter na ʼn hospitaal in Nelspruit geneem word. Na wat verneem word, is hy in ʼn ernstige toestand. Mariaan is nie ernstig beseer nie, maar getraumatiseerd.

Dit is nog nie duidelik wat alles gesteel is nie, maar vier selfone is tydens die voorval gebuit.

Die polisie en AfriForum se Machadodorp-buurtwag en ander spanne is op die spoor van die verdagtes wat te voet gevlug het. Een van die verdagtes is vermoedelik ʼn voormalige werker op die plaas.

Sers. Gerald Sedibe, provinsiale polisiewoordvoerder, het aan Maroela Media bevestig die Waterval-Boven-polisie ondersoek in dié stadium ʼn saak van huisroof.

“Inligting oor die voorval is nog min want die polisie kon nog nie die slagoffers behoorlik ondervra nie aangesien albei in die hospitaal is. Die vrou is ook hospitaal toe geneem om vir skok behandel te word. Die tyd van die aanval en hoeveel verdagtes betrokke was, word nog ondersoek,” het hy gesê.

Hy het gesê die polisie het wel verneem dat die vrou daarin kon slaag om haarself los te maak, waarna sy hulp ontbied het. Dit lyk ook of die huis geplunder is, maar dit is nie in dié stadium duidelik wat presies vermis word nie. Hy het gesê die vrou se ouderdom is onbekend. Die man is 70.

Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
zeno

Lafaards,kan nie een,een iets doen nie, want dan weet hulle,hulle gaan hul dinges sien.

Hanna

Baie hartseer. Lafaards wat sulke dinge doen.

Thea

En dit alles vir vier selfone…… geen woorde nie. Ons lewe is siek en niks word hieraan gedoen nie inteendeel dit word net erger. Hulle gaan ons almal uitmoor en die see injaag.

Theresa

Lyk my misdaad raak nou aanloklik vir die vrouens ook. Tweede geval in ‘n kort ruk waar ‘n vrou by is. Baie sterkte aan die bejaardes. Wat ‘n verwronge mens doen so iets aan ‘n ander?!
Hoop jul sterk gou aan.

w

Hu lykit mense. Moet ons nie maar ons wend tot boendoehowe ni. Lyk of dit vrugte afwerp